وزبەكستاندىق قىز 20 جىل بويى ەر ادامنىڭ قۇجاتىمەن جۇرگەن

وزبەكستاننىڭ قاشقاريا وبلىسى دەحكاناباد اۋدانىندا 20 جىل بويى ەر ادامنىڭ ەسىمىمەن ءومىر سۇرگەن قىزعا جاڭا كۋالىك بەرىلدى دەپ حابارلادى turkystan.kz «نارودنوە سلوۆو» باسىلىمىنا سىلتەمە جاساپ.

باسىلىمنىڭ جازۋىنشا، بويجەتكەن دۇنيەگە كەلگەن كەزدە ونىڭ اتا-اناسىنا پەرزەنتحاناداعىلار قاتەلەسىپ، اتى-ءجونى «شافواتوۆ وليم» دەگەن قاتە انىقتاما بەرگەن. وسى قۇجات بويىنشا ولار قىزىنىڭ تۋ تۋرالى كۋالىگىن العان. كەيىن قاتەلىك كەتكەنىن تۇسىنگەن اتا-انانىڭ قۇجاتتى اۋىستىرۋعا مۇمكىندىكتەرى بولماعان. سەبەبى ولار تۇراتىن اۋىلدا قۇجات راسىمدەيتىن جاقىن ورتالىق 180 شاقىرىمدا ورنالاسقان اۋدان ورتالىعىندا عانا بولعان. وسىلايشا، بويجەتكەن ەر ادامنىڭ ەسىمىمەن قالىپ قويعان.

«كەش بولسا دا، بۇل قاتەلىكتى تۇزەتتىك. ءبىز وعان شافواتوۆا مۋكاددام راۆشانكىزى دەگەن اتپەن جاڭا جەكە كاۋلىك بەردىك. ەندى جىلىنا ەكى رەت وسىنداي تاۋلى ايماقتا ورنالاسقان اۋىلداردا ءموبيلدى قابىلداۋ وتكىزۋدى جوسپارلاپ وتىرمىز»، – دەدى دەحكاناباد اۋداندىق احاج ءبولىمىنىڭ باستىعى وزودا اشۋروۆا.

ۇقساس جاڭالىقتار

Back to top button