«قازاقاۆتوجول» جشس باس ديرەكتورى تاعايىندالدى

سامات عيلىموۆ «قازاقاۆتوجول» جشس باس ديرەكتورى بولىپ تاعايىندالدى دەپ حابارلادى turkystan.kz كومپانيانىڭ ءباسپاسوز قىزمەتىنە سىلتەمە جاساپ.

سامات قۋانىش ۇلى ەڭبەك جولىن قوسشاعىل گۋرەۆ وبلىسى سوۆحوزىنىڭ قاراپايىم سلەسارىنىڭ قىزمەتىنەن باستاعان.

ءار جىلدارى وندىرىستىك جانە مەملەكەتتىك سالادا باسقارۋشى قىزمەتتەردى اتقاردى، سونىڭ ىشىندە قازاقستان رەسپۋبليكاسىنىڭ سالىق پوليتسياسىنىڭ ورگاندارىندا قىزمەت ەتكەن.  «قازمۇنايگاز» بارلاۋ ءوندىرۋ» اق-نىڭ «ەمبىمۇنايگاز» فيليالىنىڭ اپپارات باسشىسى-ديرەكتور ورىنباسارى، اقتوبە وبلىسى اكىمىنىڭ ورىنباسارى، كولىك جانە كوممۋنيكاتسيا مينيسترلىگىندە كولىكتىك باقىلاۋ كوميتەتىنىڭ اتىراۋ وبلىسى بويىنشا ينسپەكتسيانىڭ باسشىسى، «كاسپي» اۋدانارالىق كولىكتىك باقىلاۋ ينسپەكتسياسىنىڭ باستىعى جانە كولىكتىك باقىلاۋ كوميتەتىنىڭ باسشىسى، قازاقستان رەسپۋبليكاسى ينۆەستيتسيالار جانە دامۋ مينيسترلىگى كولىك كوميتەتىنىڭ توراعاسىنىڭ ورىنباسارى قىزمەتتەرىندە بولدى.

قازىرگى ۋاقىتقا دەيىن قازاقستان رەسپۋبليكاسى يندۋستريا جانە ينفراقۇرىلىمدىق دامۋ مينيسترلىگى كولىك كوميتەتىنىڭ توراعاسى قىزمەتىن اتقاردى.

ۇقساس جاڭالىقتار

Back to top button