بانكتىڭ جالعان قىزمەتكەرى اقتوبەلىك تۇرعىندى 22 ملن تەڭگەگە الداپ كەتتى

60 جاستاعى اقتوبەلىك تۇرعىن بانكتىڭ جالعان قىزمەتكەرىنە 22 ملن تەڭگەسىن بەرگەن دەپ حابارلادى turkystan.kz اقتوبە وبلىسىنىڭ پوليتسيا دەپارتامەنتىنە سىلتەمە جاساپ.

«30 مامىردا بەلگىسىز ەر ادام ءوزىن بانكتەردىڭ ءبىرىنىڭ قىزمەتكەرىمىن دەپ تۇرعىنعا حابارلاسقان. الاياق مۇنداي وپەراتسيانىڭ قالىپتى ەكەنىن ايتىپ، بانك شوتىن الاياقتاردان قورعاۋدى ۇسىنادى. ەگدە جاستاعى تۇرعىن SMS حابارلاما ارقىلى قىزمەتكەرگە كودتى ايتادى. كودتى العاننان كەيىن الاياق ونىڭ كارتاسىنان بارلىق سومانى باسقا بانك شوتىنا اۋدارعان»، – دەلىنگەن حابارلامادا.

قازىرگى تاڭدا اتالعان فاكتى بويىنشا قر قك-ءنىڭ 190-بابى 3-بولىمىمەن (الاياقتىق) سوتقا دەيىنگى تەرگەۋ باستالدى. پوليتسەيلەر كۇدىكتىنىڭ جەكە باسىن انىقتاۋ ماقساتىندا ءىس-شارالار جۇرگىزىپ جاتىر.

ۇقساس جاڭالىقتار

Back to top button