سەمەي ماڭىنداعى ورمان ءالى ورتەنىپ جاتىر

شىعىس قازاقستان وبلىسىندا ورمان ورتىمەن كۇرەس جالعاسۋدا. قازىرگى تاڭدا ءورتتىڭ تارالۋى توقتاتىلدى دەپ حابارلادى turkystan.kz وڭىرلىك توتەنشە جاعدايلار دەپارتامەنتىنىڭ ءباسپاسوز قىزمەتىنە سىلتەمە جاساپ.

ءورتتى سوندىرۋگە وبلىستىق تج دەپارتامەنتىنىڭ، جەرگىلىكتى اتقارۋشى ورگانداردىڭ، اسكەري ءبولىمنىڭ قىزمەتكەرلەرى مەن ورمانشىلار جۇمىلدىرىلدى.

«قازىرگى ۋاقىتتا ورتپەن ارپالىس جالعاسۋدا. بارلىعى جەكە قۇرامنان 399 ادام جانە 85 بىرلىك تەحنيكا جۇمىس ىستەپ جاتىر. سەمەي قالاسىندا ءورت قاۋىپتىلىگىنىڭ 5 سىنىبى جاريالانعان»، – دەلىنگەن حابارلامادا.

بولجام بويىنشا، ورتكە نايزاعاي سەبەپ بولعان. قازىر ءورت الاڭى انىقتالىپ جاتىر. جاعدايدى اۋەدەن باقىلاۋ ءۇشىن «قازاۆياورمانقورعاۋ» «مي-2» تىكۇشاعى تارتىلدى.

 

ۇقساس جاڭالىقتار

Back to top button