مەكتەپ فورماسىنىڭ ورنىنا اقشا بەرەدى

الەۋمەتتىك وسال ساناتتاعى بالالارعا كومەك كورسەتۋ قاعيدالارىنا وزگەرىستەر ەنگىزىلدى. بۇل جايىندا ءبىلىم جانە عىلىم ءمينيسترى اسحات ايماعامبەتوۆ Facebook-تەگى پاراقشاسىندا جازدى دەپ حابارلادى turkystan.kz.

ونىڭ سوزىنشە، «جالپىعا مىندەتتى ءبىلىم بەرۋ» قورىنىڭ اياسىندا الەۋمەتتىك وسال ساناتتاعى بالالارعا كومەك كورسەتۋ قاعيدالارىنا وزگەرىستەر ەنگىزۋگە باستاماشى بولعان.

«جالپىعا بىردەي ءبىلىم بەرۋ» قورى حالىقتىڭ الەۋمەتتىك وسال توپتارىنا كيىم-كەشەك، اياق كيىم، وقۋ قۇرالدارىمەن قامتاماسىز ەتۋ ارقىلى كومەك كورسەتەدى. ەندى بۇل كومەكتى اقشاعا اينالدىرىپ، اتا-انانىڭ شوتىنا اۋدارۋ ۇسىنىلىپ وتىر. ياعني اتا-انالار بالالارىن مەكتەپكە دايىنداۋ ءۇشىن ەڭ قاجەتتى زاتتاردى وزدەرى ساتىپ الا الادى. مۇنداي شەشىمدى قولداعاندار دا، وعان قارسى شىققاندار دا كوپ ەكەنىن جاسىرمايمىن. ءبىز الەۋمەتتىك قىزمەتتەر پورتالىنىڭ ىسكە قوسىلعانىن بىرنەشە جىل كۇتتىك. بۇل جۇيە ارقىلى قاراجاتتىڭ ماقساتتى جۇمسالۋىن باقىلاۋعا بولادى. سونداي-اق اتا-انالار وسى ماركەتپلەيستەن بالاعا قاجەتتى زاتتاردى عانا ساتىپ الىپ، ونى ەلەكتروندى اقشامەن تولەي الادى. ودان بولەك، ءبىز ترانزاكتسيالاردى باقىلاۋدا ۇستاي الامىز» دەدى مينيستر.

مينيستر، ىسىنە ادال ەمەس باسشىلاردىڭ كومەككە مۇقتاج جاندارعا ولشەمى ۇلكەن نەمەسە كىشى، ودان قالسا ساپاسى ناشار كيىم-كەشەك ساتىپ الىپ بەرگەن جاعدايلار كەزدەسكەنىن جوققا شىعارمادى.

ۇقساس جاڭالىقتار

Back to top button