بارلىعى بالالار باقىتى ءۇشىن

AMANAT پارتياسىنىڭ جاستار قاناتى 1 ماۋسىم –  حالىقارالىق بالالاردى قورعاۋ كۇنىنە وراي بىرقاتار ءىس-شارا كەشەنىن وتكىزدى.

العاشقى شارا «جاس جاۋىنگەر» دەنە شىنىقتىرۋ-ساۋىقتىرۋ كلۋبى مۇشەلەرىنىڭ قاتىسۋىمەن ءوتتى. بوكستان ەرەكشە بالالار اراسىندا ۇيىمداستىرىلعان DARYN سپورتتىق جارىسىنا 40-تان استام جەتكىنشەك قاتىستى.

سايىستا ۇزدىك بولعان 3 جەڭىمپاز اقشالاي سەرتيفيكاتقا يە بولدى. سونداي-اق، بەلسەندى قاتىسقان بارلىق بالالارعا سپورتتىق كەرەك-جاراق پەن تاتتىلەر تولتىرىلعان سىيلىق پاكەتتەرى تابىستالدى.

بارلىعى بالالار باقىتى ءۇشىن

وسى سىندى جارىستار جاسوسپىرىمدەردى قاناتتاندىرىپ، موتيۆاتسيا سىيلايدى دەيدى «جاس جاۋىنگەر» كلۋبىنىڭ نەگىزىن سالۋشى سادىق بايىمبەتوۆ:

«ءاربىر وتكەن جارىس كلۋب مۇشەلەرى ءۇشىن باعىندىرىلعان بەلەس سياقتى. سايىس بولادى دەگەندى ەستىگەننەن باستاپ بالالار تىنىمسىز كۇتىپ، جاتتىعۋعا ەرەكشە ۇمتىلىسپەن كىرىسەدى. بۇگىنگى وتكەن سپورتتىق جارىس تا سونىڭ ءبىر دالەلى. ەرەكشە بالالارمەن جۇمىسقا تەك ەلوردامىزدا عانا ەمەس، رەسپۋبليكامىز بويىنشا كوڭىل ءبولىنىپ، قولعا الىنسا دەيمىن»،- دەدى ول.

پارتيا جاستارى مۇنىمەن شەكتەلىپ قالماي، اتالمىش مەرەكەمەن قۇتتىقتاۋ ءۇشىن ۇلتتىق نەيروحيرۋرگيا ورتالىعىندا ۇزاق ۋاقىتتان بەرى وڭالتۋدان ءوتىپ جاتقان بالالارعا باردى.

جاس بۋىن انيماتورلار ارنايى دايىنداعان قويىلىمدى تاماشالاپ، كەرەمەت كوڭىل-كۇيگە بولەندى. سونىمەن قاتار، ولارعا مەرەكەلىك بوكستار تاراتىلدى.

جاستار قاناتىنىڭ توراعاسى نۇرجان جەتپىسباەۆتىڭ ايتۋىنشا، «بالالار جىلى» اياسىندا ايانباي ەڭبەك ەتىپ، باستى قۇندىلىقتارىمىزدى بالالار بويىنا ءسىڭىرۋ كەرەك.

«سوڭعى ۋاقىتتا بالالارىمىزدىڭ ومىرىنە قاۋىپ تۋدىرىپ، سارساڭعا سالعان جاعدايلار كوبەيۋدە. ولاردى كىشكەنتاي دەمەي، قۇلاق اسقانىمىز ءجون دەپ سانايمىن. ولاردىڭ ماسەلەسىنە ءمان بەرۋ ارقىلى، ۇلت تاعدىرىن شەشۋگە، كەدەرگىسىز كەلەشەگىن قالىپتاستىرۋعا الدىمىزعا مىندەت قىلعان ءجون. جەتكىنشىكتەرىمىز ءۇشىن جاستار قاناتى اتقارىپ جاتقان جوبالار سونىڭ ءبىر ۇزىگى. پرەزيدەنتىمىز اتاپ وتكەندەي، وسكەلەڭ ۇرپاقتىڭ ۇيلەسىمدى دامۋى مەن باقىتتى بالالىق شاعى ءبىزدىڭ قولىمىزدا»،- دەپ توقتالىپ ءوتتى.

جوعارىدا اتالعان شارالار مەملەكەت باسشىسى ق. توقاەۆ جاريالاعان «بالالار جىلى» اياسىندا وتكىزىلۋدە دەيدى ۇيىمداستىرۋشىلار. جاستار قاناتى مۇنىمەن توقتاپ قالمايدى، اتالمىش جىل اياسىندا بىرقاتار جوبالار مەن اكتسيالاردى جۇزەگە اسىرماق.

ۇقساس جاڭالىقتار

Back to top button