الماتىدا جالدامالى پاتەرلەردىڭ باعاسى شارىقتاپ تۇر

الماتىدا 2021 جىلدىڭ قىركۇيەگىنەن باستاپ تۇرعىن ءۇيدى جالعا الۋ مولشەرلەمەسى 50%-عا ءوستى دەپ حابارلادى turkystan.kz.

ريەلتورلىق اگەنتتىكتەردىڭ مالىمەتىنشە، سوڭعى جىلى جالعا الۋعا سۇرانىس وسكەن، تيىسىنشە، بۇل باعانىڭ وسۋىنە دە اكەلدى.

«الماتىنىڭ ءبىر اۋەزوۆ اۋدانىندا 2021 جىلدىڭ قىركۇيەگىنەن باستاپ 2022 جىلدىڭ ماۋسىمىنا دەيىن اۋدانى 35-45 ش.م ءبىر بولمەلى پاتەرلەر 130 مىڭنان 170 مىڭ تەڭگەگە دەيىن جالعا بەرىلەدى. كۇزگە جاقىن، جاڭا وقۋ جىلىنىڭ باسىنان باستاپ باعالار قايتادان ءوسۋى مۇمكىن»، – دەدى جىلجىمايتىن م ۇلىك اگەنتتىگىنىڭ ريەلتورى ەرلان دۇيسەنقۇلوۆ.

الماتىدا تۇرعىن ۇيگە سۇرانىس جوعارى بولىپ تۇر. نەگىزىنەن، مەگاپوليستەگى ريەلتوردىڭ قىزمەتىنە قالانى بىلمەيتىن نەمەسە ناشار بىلەتىن سىرتتان كەلەتىن ازاماتتار جۇگىنەدى.

«سوڭعى ايلاردا تۋريستەر مەن باسقا ەلدەردەن كەلگەن ازاماتتاردىڭ كوبەيۋىمەن تۇرعىن ءۇي قۇنى 250 مىڭ تەڭگەگە دەيىن ءوستى. مىسالى، ءبىر كۇندە ماعان باسقا ەلدەردەن كەلگەن بەس ادام قوڭىراۋ شالادى. وتكەن اپتا ىشىندە مەن رەسەي، ۋكراينا جانە بەلارۋس ازاماتتارىنا پاتەر تاپسىردىم. ولاردىڭ كوپشىلىگى پاتەردى ءۇش ايدان التى ايعا دەيىن جالعا الۋ تۋرالى كەلىسىمشارت جاسادى»، – دەدى ريەلتور.

ۇقساس جاڭالىقتار

Back to top button