ەلوردادا اۋرۋحانا پاتسيەنتتەرى رەفەرەندۋم كەزىندە قالاي داۋىس بەرەدى؟

ەلوردادا 5 ماۋسىمدا وتەتىن رەفەرەندۋمدا پاتسيەنتتەر داۋىس بەرۋى ءۇشىن مەديتسينالىق مەكەمەلەر جانىنان جابىق ۋچاسكەلەر ۇيىمداستىرىلادى دەپ حابارلادى turkystan.kz قالا اكىمدىگىنە سىلتەمە جاساپ.

«قالالىق جانە وزگە دە مەديتسينالىق ۇيىمداردا ەمدەلىپ جاتقان پاتسيەنتتەردىڭ رەفەرەندۋمعا قاتىسۋى ءۇشىن مەديتسينالىق مەكەمەلەر جانىنان جابىق ۋچاسكەلەر ۇيىمداستىرىلدى. رەسپۋبليكالىق ماڭىزى بار مەملەكەتتىك مەكەمەلەر مەن مەديتسينالىق ۇيىمداردى ەسكەرسەك، داۋىس بەرۋگە ارنالعان جابىق ۋچاسكەلەر سانى – 27. 18 جاسقا تولعان پاتسيەنتتەرگە، بوساناتىن جانە بوسانعان ايەلدەرگە داۋىس بەرۋ كەزىندە ءتيىستى مالىمەتتەردى تولتىرۋ ءۇشىن وزىمەن بىرگە جەكە كۋالىگى بولۋى جەتكىلىكتى. جابىق ۋچاسكەلەردە سايلاۋ كوميسسياسى دا جۇمىس ىستەپ، داۋىس بەرۋدىڭ اشىقتىعىن قاداعالايتىن بولادى»، – دەلىنگەن مالىمەتتە.

قالالىق دەنساۋلىق ساقتاۋ باسقارماسى باس مەملەكەتتىك سانيتارلىق دارىگەردىڭ قاۋلىسىنا سايكەس اۋرۋحانالاردىڭ ستاتسيونارلارى مەن اكۋشەرلىك بلوكتارىندا كارانتين رەجيمى ءالى دە ءوز كۇشىندە ەكەنىن اتاپ ءوتتى.

ۇقساس جاڭالىقتار

Back to top button