اقش-تا قۇلپىنايدان ا گەپاتيتى تارادى

اقش پەن كانادادا ۆيرۋس جۇقتىرعان ورگانيكالىق قۇلپىناي ا گەپاتيتىن ءورشىتتى. جەمىستىڭ بۇل ءتۇرى اتالعان ەلدەردە 5 ناۋرىز بەن 25 ءساۋىر ارالىعىندا ساتىلعان دەپ حابارلادى turkystan.kz.

اقش-تىڭ ازىق-ت ۇلىك پەن ءدارى-دارمەكتى باقىلاۋ باسقارماسى ۆيرۋس جۇقتىرعان جەمىستەردىڭ «FreshKampo» ساۋدا ماركاسىمەن بۇكىل ەل اۋماعىندا ساتىلعانىن ايتىپ وتىر. سالدارىنان «ا» گەپاتيتىن جۇقتىرۋدىڭ 17 فاكتىسى تىركەلىپ، 12 ادام اۋرۋحاناعا تۇسكەن. ال كانادادا 10 جاعداي تىركەلدى. ونىڭ تورتەۋى البەرتەدە، التاۋى ساسكاچەۆاندا انىقتالدى.

اقش-تا تىركەلگەن جاعدايلاردىڭ كەمىندە 15-ءى كاليفورنيا شتاتىنا تيەسىلى. تاماق ونىمدەرى مەن ءدارى-دارمەكتىڭ ساپاسىن سانيتارلىق قاداعالۋ باسقارماسىنىڭ مالىمەتى بويىنشا، ۆيرۋس جۇقتىرعان قۇلپىناي Trader Joe’s پەن Walmart سياقتى كەمىندە 9 ساۋدا جەلىسى ارقىلى ساتىلعان. كانادانىڭ قوعامدىق دەنساۋلىق ساقتاۋ اگەنتتىگى (PHAC) بۇل جەمىستەردىڭ 5-9 ناۋرىز ارالىعىندا ساتىلعانىن مالىمدەپ وتىر. قازىر ساتىلىمدا جوق.

ۇقساس جاڭالىقتار

Back to top button