42 گرادۋس ىستىق بولادى: ماۋسىمعا ارنالعان اۋا رايى بولجامى

ماۋسىمعا ارنالعان اۋا رايى بولجامى جاريالاندى دەپ حابارلادى turkystan.kz.

سينوپتيكتەردىڭ مالىمەتىنشە، ماۋسىم ايىنىڭ باسىندا قازاقستاننىڭ باتىس جانە وڭتۇستىك وڭىرلەرىندە جازعى اۋا رايى ساقتالادى – كۇندىز +25+33°س، ماڭعىستاۋ وبلىسىنىڭ وڭتۇستىگىندە الدەقايدا ىستىق: +38°س.

ەلىمىزدىڭ باتىسىن قوسپاعاندا، قازاقستاننىڭ كوپتەگەن وبلىستارىندا اتموسفەرالىق فرونتتاردىڭ وتۋىمەن قىسقا مەرزىمدى جاڭبىر جاۋادى، كەي جەرلەردە نايزاعاي، بۇرشاق جانە قاتتى جەل كۇتىلەدى. تەمپەراتۋرا فونى سالىستىرمالى تۇردە تومەن – كۇندىز +15+23°س، ەلدىڭ شىعىسى مەن وڭتۇستىك-شىعىسىندا +20+28°س.

«ەلدىڭ سولتۇستىك-باتىس بولىگىندە تۇندە سولتۇستىك انتيتسيكلونمەن اۋا تەمپەراتۋراسىنىڭ تومەندەۋى مۇمكىن.
ماۋسىمنىڭ ءبىرىنشى ونكۇندىگىنىڭ ورتاسىنا قاراي، جەرورتا تەڭىزى مەن ورتا ازيانىڭ شىعىس جاعالاۋىنان كەلەتىن اۋا ماسسالارى، رەسپۋبليكانىڭ اۋماعىندا وتە ىستىق اۋا رايىن تۋىنداتادى، سولايشا تەرمومەتر باعاندارى +28+36°س بەلگىسىنە دەيىن، قازاقستاننىڭ شەتكى وڭتۇستىك-باتىسى مەن وڭتۇستىگىندە جەكەلەگەن كۇندەرى +40°س دەيىن كوتەرىلۋى مۇمكىن»، – دەلىنگەن حابارلامادا.

ءبىرىنشى ونكۇندىكتىڭ سوڭىندا جانە ەكىنشى ونكۇندىكتىڭ باسىندا – رەسپۋبليكانىڭ باتىسىندا، سودان كەيىن ەلدىڭ قالعان اۋماعىندا جىلۋدىڭ تومەندەۋى بولجانادى.

ماۋسىمنىڭ ەكىنشى جانە ءۇشىنشى ونكۇندىگىندە ەكپىندى جەل، نايزاعاي، بۇرشاق، شاڭدى داۋىلمەن قىسقا مەرزىمدى جاڭبىر ىستىق، تۇراقتى اۋا رايىمەن الماستىرىلادى.

اۋا تەمپەراتۋراسىنىڭ اۋىتقۋى بولجانادى:

— قازاقستاننىڭ سولتۇستىك جارتىسىندا تۇندە +15+22°س-تان +5+13°س-قا دەيىن، كۇندىز +28+36°س-تان +18+25°س-قا دەيىن;

— ەلدىڭ وڭتۇستىك جارتىسىندا تۇندە +18+26°س-تان +10+16°س-قا دەيىن، كۇندىز +33+42°س-تان +25+30°س-قا دەيىن.

ۇقساس جاڭالىقتار

Back to top button