تۇرمە قىزمەتكەرلەرى وتىرعان كولىك اۋدارىلىپ، 1 ادام قازا بولدى

شىعىس قازاقستان وبلىسى شەمونايحا اۋدانىندا تۇرمە قىزمەتكەرلەرى وتىرعان كولىك اۋدارىلىپ، 1 ادام كوز جۇمدى دەپ حابارلادى turkystan.kz.

شقو بويىنشا قاج دەپارتامەنتى ءباسپاسوز قىزمەتىنىڭ مالىمەتىنە سۇيەنسەك، شەمونايحا اۋدانىنىڭ ورتالىعىنداعى ۆوكزالنايا كوشەسىندە ورنالاسقان جانارماي قۇيۋ بەكەتىنىڭ ماڭىندا Toyota اۆتوكولىگى جىراعا قۇلاپ، اۋدارىلعان. ونىڭ ىشىندە پولوۆينكا اۋىلىنداعى وۆ 156/6 مەكەمەسىنىڭ ءتورت قىزمەتكەرى بولعان.

«مەكەمە قىزمەتكەرلەرى جۇمىستان تىس ۋاقىتتا جول اپاتىنا ۇشىرادى. جۇرگىزۋشى تىزگىنگە يە بولا الماي قالعان. سونىڭ سالدارىنان ارتقى ورىندىقتاعى 31 جاستاعى جولاۋشى قازا بولدى. جاراقات العان ءۇش ادام شەمونايحا ورتالىق اۋداندىق اۋرۋحاناسىنا جەتكىزىلدى» دەلىنگەن اقپاراتتا.

اتالعان فاكتى بويىنشا قىزمەتتىك تەرگەۋ ءجۇرىپ جاتىر. دەپارتامەنت باسشىلىعى مەن ۇجىمى، قىلمىستىق-اتقارۋ جۇيەسى ارداگەرلەر كەڭەسى مارقۇمنىڭ وتباسىنىڭ قايعىلارىنا ورتاقتاسىپ، كوڭىل ايتتى.

ۇقساس جاڭالىقتار

Back to top button