تىستەرىن تۇسىرگەن: ەر ادام ۇلىمەن توبەلەسكەن بالانى سوققىعا جىققان

نۇر-سۇلتان ماڭىنداعى قوسشى قالاسىندا ەر ادام 9 جاستاعى بالانى اياۋسىز سوققىعا جىعىپ، اسفالتقا باسىن ۇرعىلاعان دەپ حابارلادى turkystan.kz.

الەۋمەتتىك جەلىدە تاراعان حابارلامادان بەلگىلى بولعانداي، 9 جاستاعى ەكى بالا اۋلاداعى بالالار الاڭقايىندا جانجالداسىپ قالادى. ونى كورگەن بالالاردىڭ ءبىرىنىڭ اكەسى ەكىنشى بالانىڭ جانىنا جەتىپ كەلىپ، باس سالىپ ۇرىپ-سوعا باستاعان.

«اشۋعا بۋلىققان 40 جاستاعى ەر ادام بالاعا جۇدىرىق الا جۇگىردى. ول از دەگەندەي، جەلكەلەي ۇستاپ، بالانىڭ باسىن اسفالتقا ۇرعىلادى. بالانىڭ كوگەرمەگەن جەرى جوق، سوققىدان تىستەرى ءتۇسىپ، جاعىنان قان كەتتى، كوزىنىڭ الدىندا ۇلكەن ىسىك پايدا بولدى. ال ونى سوققىعا جىققان الگى ادام سول كۇيى قاماۋعا الىنعان جوق»، – دەلىنگەن جازبادا.

جازبا اۆتورى كىشكەنتاي بالانى قاتىگەزدىكپەن ۇرىپ-سوققان ەر ادامنىڭ زاڭ جۇزىندە بارىنشا قاتاڭ جازاعا تارتىلىپ، زارداپ شەككەن بالانىڭ ەمىن تولىق تولەپ بەرۋىن تالاپ ەتەدى.

ۇقساس جاڭالىقتار

Back to top button