مايمىل شەشەگىن جۇقتىرعان ادام كوز جۇمدى

نيگەريادا مايمىل شەشەگىن جۇقتىرعان پاتسيەنت كوز جۇمدى. اتالعان اۋرۋ بويىنشا العاشقى ءولىم جاعدايى تىركەلدى دەپ حابارلادى turkystan.kz ريا نوۆوستيگە سىلتەمە جاساپ.

مارقۇم 40 جاستا بولعان ونىڭ يممۋندى تۇسىرەتىن دارىلەر قابىلداعانى بەلگىلى بولعان.

«29 مامىرداعى مالىمەتتەرگە سايكەس، 21 جاعداي راستالدى. قايتىس بولعان پاتسيەنتتىڭ وزگە دە سىرقاتى بولعان»، – دەلىنگەن سايتتاعى اقپاراتتا.

مايمىل شەشەگى – ادامدار اراسىندا دا تارالۋى مۇمكىن سيرەك كەزدەسەتىن ۆيرۋستى ينفەكتسيا. بۇل ادەتتە جەڭىل اۋرۋ جانە كوپ ادام بىرنەشە اپتا ىشىندە جازىلىپ شىعادى. بىراق كەيبىرەۋلەردە اۋرۋ اسقىنۋى مۇمكىن. مايمىل شەشەگىنىڭ العاشقى بەلگىسى رەتىندە بەزگەك، باس اۋرۋى، بۇلشىقەت اۋرۋى، ارقاداعى اۋىرسىنۋ، ليمفا تۇيىندەرىنىڭ ءىسىنۋى، قالتىراۋ جانە جۇدەۋدى ايتۋعا بولادى.

كوپ جاعدايدا الدىمەن بەتتە پايدا بولىپ، كەيىننەن دەنەنىڭ باسقا بولىگىنە تارالاتىن بورتپە تۋىنداۋى ىقتيمال. بورتپەنىڭ ءتۇرى وزگەرىپ، ول اقىرىندا وزدىگىنەن تۇسەتىن قابىرشاققا اينالادى.

ۇقساس جاڭالىقتار

Back to top button