ەلوردادا وتباسىلىق مارافون وتەدى

ەلوردادا «دەنساۋلىق – زور بايلىق» وتباسىلىق مارافونىنا قاتىسۋعا وتىنىمدەر قابىلداۋ باستالدى، دەپ حابارلادى turkystan.kz قالا اكىمدىگىنىڭ سايتىنا سىلتەمە جاساپ.

قالالىق جاستار ساياساتى ماسەلەلەرى باسقارماسى ۇيىمداستىرىپ وتىرعان وتباسىلىق مارافوننىڭ ۇزاقتىعى – 21 كۇن.

جەڭىمپازدار 21 كۇندە ءجۇرىپ وتكەن كيلومەتر ۇزاقتىعى بويىنشا انىقتالادى. 20 جەڭىمپاز وتباسىعا سپورت تاۋارلارىن ساتىپ الۋعا 50 000 تەڭگەگە سەرتيفيكات بەرىلەدى.

بايقاۋ شارتىنا سايكەس، الدىمەن كارتادا جۇگىرۋ باعىتىن كورسەتەتىن Strava جۇگىرۋ باعدارلاماسىنا تىركەلۋ قاجەت. وتباسىلىق جۇگىرۋ قاشىقتىعى كۇنىنە كەمىندە 1 كم بولۋى ءتيىس. بۇل رەتتە ەرلى-زايىپتىنىڭ ەكەۋى دە 21 كۇن ىشىندە جۇگىرۋگە قاتىسادى، تەك ولاردىڭ جالپى ناتيجەسى ەسكەرىلەدى.

سونداي-اق كۇن سايىن فوتوەسەپ جىبەرىپ وتىرۋ قاجەت. ول ءۇشىن قاشىقتىق پەن باعىتتى كورسەتەتىن قوسىمشادان سىلتەمەنى كوشىرىپ، @elorda.otbasy جانە @ns_jastary (15 سەكۋند – 1 مينۋت) اككاۋنتتارىن بەلگىلەي وتىرىپ، Instagram-عا ۆيدەو جاريالاۋ كەرەك.

مارافونعا قاتىسۋعا وتىنىمدەر 2022 جىلعى 31 مامىر كۇنى ساعات 13-تەن 23:59-عا دەيىن WhatsApp مەسسەندجەرى ارقىلى قابىلدانادى: +7 777 691 27 52

ۇقساس جاڭالىقتار

Back to top button