قىزىلوردادا كەنە كوبەيدى

قىزىلوردا وبلىسىندا جىل باسىنان بەرى كەنە شاققان 225 ادام مەديتسينالىق كومەككە جۇگىنگەن. بۇل وتكەن جىلدىڭ وسى مەرزىمىمەن سالىستىرعاندا 2 ەسەگە كوپ دەپ حابارلادى turkystan.kz.

بيىلعى جىلدىڭ 5 ايىندا اسا قاۋىپتى كونگو-قىرىم گەمورراگيالىق قىزباسىنا بايلانىستى 4 ىقتيمال جاعداي تىركەلدى. ونىڭ 1-ەۋى ەپيدەميولوگيالىق، كلينيكالىق جانە زەرتحانالىق جولمەن ناقتىلاندى. قالعان 3-ەۋى دياگنوزى زەرتحانالىق قورىتىندىلارىنىڭ تەرىس بولۋىنا بايلانىستى وزگەرتىلدى. بىلتىر كەنەدەن جۇعاتىن اۋرۋ 12 ادامنان انىقتالعان.

«ءساۋىر ايىنان باستالعان كەنەگە قارسى زالالسىزداندىرۋ جۇمىستارىنىڭ ءبىرىنشى كەزەڭى 4 ماۋسىمدا اياقتالادى دەپ جوسپارلانعان. جۇرگىزىلگەن مونيتورينگ كەنەگە قارسى وڭدەۋ جۇمىستارىنىڭ تيىمدىلىگى 95 پايىزدان جوعارى دەڭگەيدە ەكەندىگىن كورسەتتى»، – دەپ ءمالىم ەتتى قىزىلوردا وبلىستىق سانيتاريالىق-ەپيدەميولوگيالىق باقىلاۋ دەپارتامەنتىنىڭ ءباسپاسوز حاتشىسى ايمان جاناحاەۆا.

 

بۇگىنگى كۇنى وبلىس بويىنشا كونگو-قىرىم گەمورراگيالىق قىزباسىنا قاتىستى مەديتسينالىق مەكەمەلەردە اۋىراتىن ناۋقاستاردى ەمدەۋگە ارنالعان ۆيرۋسقا قارسى پرەپاراتتار جەتكىلىكتى. سونداي-اق، يممۋندى پلازما، قاجەتتى ءدارى-دارمەكتەر، قان جانە قان الماستىرعىشتار، قورعانىس زاتتارى، زالالسىزداندىرۋ زاتتارى جانە وزگە دە قاجەتتى قۇرال-جابدىقتار قورى جاساقتالعان.

ۇقساس جاڭالىقتار

Back to top button