رەفەرەندۋم: ءار ازاماتتىڭ داۋىسى ماڭىزدى

ءماجىلىس دەپۋتاتتارىنىڭ رەفەرەندۋمدى ناسيحاتتاۋ ماقساتىندا ايماقتارعا ءىس-ساپارى جالعاسۋدا دەپ حابارلادى turkystan.kz.

ءماجىلىس دەپۋتاتتارى عاني تاشقاراەۆ پەن بەرىك بەكجانوۆ ەڭبەكشى اۋدانىنا قاراستى «وڭتۇستىك» ارنايى ەكونوميكالىق ايماعىندا ورنالاسقان «Shymkent qagazy» مەكەمەسى قىزمەتكەرلەرىمەن كەزدەستى.

حالىق قالاۋلىلارى  جينالعاندار الدىندا رەفەرەندۋمنىڭ ءمان-ماڭىزىن  تۇسىندىردى.

«رەفەرەندۋم ار قازاقستاندىققا جەكە تاڭداۋىن جاساۋعا مۇمكىندىك بەرەدى. ونىڭ نەگىزگى ءمانى – مەملەكەتتىڭ باستى قۇقىقتىق قۇجاتىن تۇرعىنداردىڭ وزدەرى قابىلدايتىندىعىندا. داۋىس بەرۋ ارقىلى حالىق ءوز بولاشاعىن ءوزى شەشەدى» – دەدى عاني تاشقاراەۆ.

بەرىك بەكجانوۆتىڭ پىكىرىنشە، ءادىلەتتى قازاقستانعا قادام بۇگىننەن باستالۋى كەرەك. ءار داۋىستىڭ ماڭىزى زور. سوندىقتان، ەلىمىزدىڭ بارلىق تۇرعىنى ساياسي ناۋقانعا بەلسەنە قاتىسىپ، ءوزءىءنىڭ ازاماتتىق ۇستانىمىن ءبىلدىرۋگە ءتيىس.

دەپۋتاتتار ات باسىن بۇرعان بۇل مەكەمە ءتۇرلى ماركالى كارتون قاعازدار شىعارۋمەن اينالىسادى. جوباعا 1،5 ملرد تەڭگە كولەمىندە ينۆەستيتسييا تارتىلىپ، 50 جاڭا جۇمىس ورنى اشىلدى.

كاسىپورىن ءوز قىزمەتىندە تابيعي رەسۋرستاردى ءتيىمدى قولدانۋدى، قايتالاما شيكىزاتتى وڭدەۋ ارقىلى ءونىم وندىرۋدە زيانسىز حيميالىق كومپونەنتتەردءى پايدالانۋدى باسشىلىققا الادى. جاقىن ارادا كومپانيا ءوز ونىمدەرىن تمد، قىتاي جانە شىعىس ەۋروپا ەلدەرىنە ەكسپورتتاۋدى جوسپارلاپ وتىر.

ۇقساس جاڭالىقتار

Back to top button