وڭىرلەرگە 152 ۆاگون قانت جىبەرىلەدى

152 ۆاگون قانت جاقىن كۇندەرى وڭىرلەرگە جەتكىزىلەدى. بۇل تۋرالى اۋىل شارۋاشىلىعى مينيسترلىگى ءمالىم ەتتى دەپ حابارلادى turkystan.kz.

«قازىرگى ۋاقىتتا قازاقستان اۋماعى بويىنشا تەمىر جول كولىگىمەن قانت تيەلگەن 152 ۆاگون تاسىمالدانادى. بۇدان باسقا، تەمىر جولمەن وڭدەۋگە ارنالعان قۇرعاق قانت شيكىزاتى بار 116 ۆاگون جەتكىزىلىپ تاسىمالدانىپ جاتىر. وتاندىق زاۋىتتاردىڭ قانت ءوندىرىسى تاريفتىك جەڭىلدىك شەڭبەرىندە ءۇشىنشى ەلدەردەن جەتكىزىلەتىن قۇراق قانت شيكىزاتى نەگىزىندە جۇزەگە اسىرىلادى»، – دەلىنگەن مينيسترلىك حابارلاماسىندا.

وبلىس اكىمدىكتەرىنە جەتكىزىلەتىن قانتتى جەدەل قابىلداۋ مەن تاراتۋدى قامتاماسىز ەتۋ ۇسىنىلدى.

مينيسترلىكتىڭ حابارلاۋىنشا، قازاقستاندىق زاۋىتتاردا قانت ءوندىرىسى توقتامايدى. قانتتى وڭىرلەرگە ۇزدىكسىز جەتكىزۋ جۇزەگە اسىرىلادى، ءونىم قورى ۇنەمى تولىقتىرىلىپ وتىرادى.

ۇكىمەت ەلدى قانتپەن قامتاماسىز ەتۋ ماسەلەسىن تۇراقتى باقىلاۋدا ۇستاپ وتىر.

ۇقساس جاڭالىقتار

Back to top button