وسكەمەندەگى پاتەردە گاز جارىلدى (ۆيدەو)

بۇگىن وسكەمەندە سلاۆسكي جاعالاۋى كوشەسىندەگى كوپپاتەرلى تۇرعىن ۇيدە تۇرمىستىق گاز جارىلىپ، 13 ادام ەۆاكۋاتسيالاندى دەپ حابارلادى turkystan.kz sputnik.kz-كە سىلتەمە جاساپ.

وبلىستىق توتەنشە جاعدايلار دەپارتامەنتىنىڭ حابارلاۋىنشا، 1-قاباتتا ورنالاسقان پاتەردە جوندەۋ جۇمىستارى جۇرگىزىلىپ جاتقان.

«1989 جىلى تۋعان ەر ادام اۋىر حالدە اۋرۋحاناعا جەتكىزىلدى. جارىلىس سالدارىنان ءبىرىنشى قاباتتان بەسىنشى قاباتقا دەيىنگى پاتەرلەردىڭ تەرەزەسى سىنعان. جارىلىس بولعان جانە ىرگەلەس پاتەرلەردىڭ بولمەارالىق قابىرعالار، ءبىرىنشى قاباتتاعى كىرەبەرىس ەسىك زاقىمداندى»، – دەلىنگەن حابارلامادا.

جارىلىس بولعان ءۇيدىڭ 4 پودەزىنەن 17 ادام ءوز بەتىنشە شىعىپ، 2 ادام ەۆاكۋاتسيالاندى. 3 پودەزدەن 11 ادام ەۆاكۋاتسيالاندى.

وقيعا بولعان جەردە تجد-ءنىڭ 25 قىزمەتكەرى جۇمىس ىستەپ جاتىر جانە 7 تەحنيكا جۇمىلدىرىلدى.

ۇقساس جاڭالىقتار

Back to top button