مۇرات بەكتانوۆتى قاماۋعا الۋ مەرزىمى ۇزارتىلدى

بۇرىنعى قورعانىس ءمينيسترى مۇرات بەكتانوۆ 20 ماۋسىمعا دەيىن قاماۋدا بولادى. بۇل تۋرالى الماتى قالالىق سوتى ءباسپاسوز حاتشىسىنىڭ مىندەتىن اتقارۋشى نۇرسۇلتان ورىنباساروۆ مالىمدەدى دەپ حابارلادى turkystan.kz.

«ەكس-مينيستر مۇرات بەكتانوۆ 20 ماۋسىمعا دەيىن تۇتقىندا بولادى. قاماۋدا ۇستاۋ مەرزىمى الماتى قالاسىنىڭ اۋدانارالىق تەرگەۋ سوتىنىڭ شەشىمىمەن تاعى ءبىر ايعا ۇزارتىلدى. تۇتقىندا ۇستاۋ مەرزىمىن ۇزارتۋ تۋرالى شەشىم 13 مامىردا قابىلدانعان بولاتىن، – دەدى ورىنباساروۆ.

ەسكە سالا كەتسەك، 9 قاڭتار كۇنى مۇرات بەكتانوۆ قورعانىس ءمينيسترى لاۋازىمىنان بوساتىلعان ەدى. مەملەكەت باسشىسى قاسىم-جومارت توقاەۆ ءمينيستردىڭ كومانديرلىك قابىلەت كورسەتە الماعانىن سىنعا الدى.

19 اقپاندا باس پروكۋراتۋرا بۇرىنعى قورعانىس ءمينيسترى مۇرات كارىباي ۇلى بەكتانوۆقا قاتىستى قازاقستان رەسپۋبليكاسى قىلمىستىق كودەكسىنىڭ 452-بابى ارەكەتسىزدىك فاكتىسى بويىنشا سوتقا دەيىنگى تەرگەپ-تەكسەرۋدى باستاعان بولاتىن.

ۇقساس جاڭالىقتار

Back to top button