31 мамырда еліміздің 10 қаласында «Темекі туралы барлық шындық» интерактивті көрмесі өтеді деп хабарлады turkystan.kz Денсаулық сақтау министрлігіне сілтеме жасап.
Жыл сайын 31 мамырда Дүниежүзілік денсаулық сақтау ұйымы 1988 жылы ресми түрде жариялаған Дүниежүзілік темекісіз күн атап өтіледі.
«Темекі эпидемиясы - халықтың денсаулығына елеулі қауіптердің бірі. Жыл сайын одан 8 миллионнан астам адам қайтыс болады. Олардың 7 миллионнан астамы-тұтынушылар мен бұрынғы темекі тұтынушылар, ал 1,2 миллионнан астамы — екінші темекі түтінінің әсеріне ұшыраған темекі шекпейтіндер», - делінген хабарламада.
Бұл күн барлық адамдардың, барлық елдердің назарын денсаулыққа үлкен зиян келтіретін және өлімге әкелетін темекі шегу проблемасына аударуға арналған.
«Темекі шегу терінің, тырнақтың, шаштың жағдайын нашарлатады, тістерді бұзады, ауыздан, киімнен жағымсыз иіске әкеледі. Темекі шегу өкпенің қатерлі ісігі, инфаркт сияқты өмірге сәйкес келмейтін аурулардың дамуымен тікелей байланысты», - делінген хабарламада.
31 мамырда Қазақстан бойынша Тараз, Түркістан, Семей, Павлодар, Екібастұз, Өскемен, Қостанай, Көкшетау, Петропавл, Жезқазған, Орал сияқты 10 қалада «Темекі туралы барлық шындық» интерактивті көрмесі өтеді.
