تۋدى قورلاعان انشىلەرگە قاتىستى ءىىم-گە اشىق حات جولداندى (فوتو)

قر ەڭبەك سىڭىرگەن قايراتكەرى امانتاي بەرگاليەۆ Facebook-تەگى پاراقشاسىندا «يرينا كايراتوۆنا» توبى مەن «Shiza» ەسىمدى انشىگە قاتىستى باس پروكۋراتۋراعا جانە ءىىم-گە اشىق حات جولداعانىن جازدى دەپ حابارلادى turkystan.kz.

قايراتكەر اشىق حاتتا انشىلەردىڭ ساحنا ادەبىن ساقتاماي، مادەنيەتسىزدىگى مەن تۋدى قورلاعانى حالىقتىڭ اشۋ-ىزاسىن كەلتىرگەنىن ايتتى.

«25 مامىر كۇنى الماتى قالاسىنداعى بالۋان شولاق سارايىندا وتكەن «يرينا كايراتوۆنا» توبىنىڭ كونتسەرتiندە انشiلەر، ونىڭ iشiندە «Shiza» لاقاپ اتتى ءانشi ساحنادا مادەنيەتسiزدiگiمەن تۋدى قورلادى، ساحنا ادەبىن ساقتامادى. ءاربىر قازاق ازاماتىنىڭ نامىسىنا تيەتىن ارەكەتكە بارعان ۆيدەوسى جاريالاندى. بۇل ءوز كەزەگىندە حالىقتىڭ اشۋ-ىزاسىن كەلتىرىپ، ءتۇرلى الەۋمەتتىك جەلىلەردە كەڭىنەن تارادى»، – دەپ باستالعان اشىق حاتتا.

سونداي-اق، حاتتا بۇل جاعداي اياقسىز قالدىرىلماي، انشىلەرگە زاڭ جۇزىندە جازا قولدانىلۋ كەرەك ەكەنى جەتكىزىلگەن. اشىق حاتقا قر ەڭبەك سىڭىرگەن قايراتكەرلەرى مەن جازۋشىلار قول قويىپ، ءتيىستى قۇزىرلى ورگاندارعا جولدادى.

«اتالعان جاعدايدى اياقسىز قالدىرماۋدى، زاڭمەن جازالاۋدى تالاپ ەتەمiز. جاس ۇرپاقتىڭ تاربيەسi ءۇشiن الاڭدايمىز، جارقىن بولاشاقتى كۇتەتىن بولساق، بiز ونەردi جانە ونەرگە دەگەن قۇرمەتتى قالىپتاستىرۋىمىز كەرەك.

كەلەشەكتە دە وسىنداي باسسىزدىقتى بولدىرماۋ جانە الدىن الۋ ءۇشiن بارلىق زاڭدىق شارالاردى قابىلداۋ كەرەك. ءوتiنiمدi اياقسىز قالدىرماي جانە دەر كەزiندە زاڭ اياسىندا جاۋاپقا تارتۋدى سۇرايمىز»، – دەلىنگەن اشىق حاتتا.

ۇقساس جاڭالىقتار

Back to top button