ءبىر ايدا كرەديت العان قازاقستاندىقتار سانى ءوستى - ۇلتتىق بانك

قازاقستاندا 1 ايدا تۇتىنۋشىلىق كرەديت الۋشىلار سانى وسكەن دەپ حابارلادى turkystan.kz قازاقپارات اگەنتتىگىنە سىلتەمە جاساپ.

بانكتەردىڭ ەكونوميكانى كرەديتتەۋ كولەمى ءبىر ايدا 0،9%-عا ۇلعايىپ، 2022 جىلعى ءساۋىردىڭ سوڭىندا 19 399،5 ملرد تەڭگەنى قۇرادى.

«زاڭدى تۇلعالارعا بەرىلگەن كرەديت كولەمى ءبىر ايدا 8 016،1 ملرد تەڭگەگە دەيىن 0،5%-عا تومەندەدى، جەكە تۇلعالارعا 11 383،4 ملرد تەڭگەگە دەيىن 1،9%-عا ءوستى. ۇلتتىق ۆاليۋتاداعى كرەديتتەر كولەمى ءبىر ايدا 17 637،6 ملرد تەڭگەگە دەيىن 1،6%-عا ۇلعايدى. ولاردىڭ قۇرىلىمىندا زاڭدى تۇلعالارعا بەرىلگەن كرەديتتەر 1،0%-عا، جەكە تۇلعالارعا بەرىلگەن كرەديتتەر 2،0%-عا ءوستى. شەتەل ۆاليۋتاسىنداعى كرەديتتەر كولەمى 1 762،0 ملرد تەڭگەگە دەيىن 5،6%-عا ازايدى. ولاردىڭ قۇرىلىمىندا زاڭدى تۇلعالارعا بەرىلگەن كرەديت 5،6%-عا، جەكە تۇلعالارعا بەرىلگەن كرەديت 11،9%-عا تومەندەدى. 2022 جىلعى ءساۋىردىڭ سوڭىندا تەڭگەدەگى كرەديتتەردىڭ ۇلەس سالماعى 90،9% (2021 جىلعى جەلتوقساندا – 89،7%) بولدى»، – دەلىنگەن ۇب ءساۋىر ايىنداعى قارجىلىق كورسەتكىشىندە.

ۇزاق مەرزىمدى كرەديتتەر كولەمى ءبىر ايدا 16 047،4 ملرد تەڭگەگە دەيىن 0،5%-عا، قىسقا مەرزىمدى كرەديتتەر كولەمى 3 352،2 ملرد تەڭگەگە دەيىن 3،0%-عا ۇلعايدى.

شاعىن كاسىپكەرلىك سۋبەكتىلەرىن كرەديتتەۋ 2022 جىلعى ساۋىردە 4 039،8 ملرد تەڭگەگە دەيىن 10،9%-عا (كورپوراتيۆتىك سەكتور كرەديتتەرىنىڭ جالپى كولەمىنەن 50،4%) تومەندەدى.

2022 جىلعى ساۋىردە بانكتىك ەمەس زاڭدى تۇلعالارعا ۇلتتىق ۆاليۋتامەن بەرىلگەن كرەديتتەر بويىنشا ورتاشا الىنعان سىياقى مولشەرلەمەسى 15،2% (2021 جىلعى ساۋىردە – 11،6%)، جەكە تۇلعالارعا – 17،3% (17،3%) بولدى.

ۇقساس جاڭالىقتار

Back to top button