ەلوردادا اقشا ايىرباستاۋ پۋنكتەرى ارقىلى جالعان دوللار ساتىلدى

نۇر-سۇلتان قالاسىندا 54 850 اقش دوللارى كولەمىندە جالعان اقشا ساتقان قىلمىستىق توپ سوتتالدى دەپ حابارلادى turkystan.kz قارجى مونيتورينگى اگەنتتىگىنە سىلتەمە جاساپ.

جاساندى بانكنوتتاردى ەلوردانىڭ ۆاليۋتا ايىرباستاۋ پۋنكتتەرى، بانكوماتتار ارقىلى جەكە ەسەپشوتتاردى تولتىرۋ، سونداي-اق OLIMPBET بۋكمەكەرلىك كەڭسەسىندەگى جەكە شوتتارعا سالۋ ارقىلى اينالىمعا تارتقان.

«سوت ۇكىمىمەن ا.ا.جومارت، ي.ح.چەكيەۆ، ر.ا.يمانباەۆ پەن ب.ە. تولەۋتاي شارتتى تۇردە 5 جىلعا باس بوستاندىعىنان ايىرىلدى»، – دەدى اگەنتتىكتىڭ ءباسپاسوز قىزمەتى.

وسىعان وراي، قارجى مونيتورينگى اگەنتتىگى ازاماتتاردى اباي بولۋعا جانە بەيتانىس ادامداردان شەتەل ۆاليۋتاسىن ساتىپ الماۋعا كەڭەس بەردى. جالعان اقشا بەلگىلەرى انىقتالعان جاعدايدا دەرەۋ سەنىم تەلەفونىنا حابارلاسۋ كەرەك.

«جاساندى بانكنوتتاردى انىقتاۋ قىلمىس بولىپ تابىلمايدى، الايدا جالعان اقشا بەلگىلەرىن ساتۋ ءۇشىن قىلمىستىق جاۋاپكەرشىلىك قاراستىرىلعان»، – دەدى اگەنتتىك ماماندارى.

ۇقساس جاڭالىقتار

Back to top button