جامبىلدىق شەنەۋنىك 18 جىل بۇرىنعى قىلمىسى ءۇشىن 9 جىلعا سوتتالدى

جيىرما جىلعا جۋىق مەملەكەت مۇلكىن تۋىستارىنا تەگىن تاراتىپ كەلگەن جامبىلدىق شەنەۋنىك 9 جىلعا سوتتالدى دەپ حابارلادى turkystan.kz Aibat جاڭالىقتار قىزمەتىنە سىلتەمە جاساپ. 

كوممۋنالدىق مەنشىك وبەكتىلەرىن جالعا بەرۋ ورتالىعىنىڭ بۇرىنعى ديرەكتورى جالپى قۇنى 300 ملن تەڭگە بولاتىن 4 عيمارات پەن 1 جەر ۋچاسكەسىن زاڭسىز ساۋدالاعان.

پروكۋرورلار ەكس-شەندىنىڭ قىلمىسىن 18 جىلدان كەيىن عانا انىقتاعان. شەنەۋنىك بۇل ارەكەتى ءۇشىن توعىز جىلعا تۇرمەگە قامالدى. 

«بيىل 6 مامىر تاراز قالاسىنداعى №2 cوتىمەن باقتىباەۆتىڭ قىلمىستىق كودەكستىڭ 189-بابىنىڭ 4-بولىگى بويىنشا كىناسى دالەلدەنىپ، توعىز جىلعا باس بوستاندىعىنان ايىرىلدى. سونىمەن قاتار پروكۋرورلاردىڭ تالاپ-ارىزدارى نەگىزىندە اتاۋلى وبەكتىلەر سوت شەشىمىمەن مەملەكەتكە قايتارىلدى»، – دەيدى جامبىل وبلىسى پروكۋرورىنىڭ كومەكشىسى سەرجان ابدىقۇلوۆ. 

ۇقساس جاڭالىقتار

Back to top button