«Мен күткен жоқпын, мен өте қуаныштымын. Асанәлі аға, жасырмаймын, менің кумирім, Асанәлі ағаға мен еліктеймін. Еліктегенмін де, енді кумирімнің қолынан кумирімнің атындағы марапатты алу – біз үшін үлкен мәртебе», – деді «Асанәлі» сыйлығының иегері Азамат Сатыбалды. «Бұл, шынында да, үлкен қуаныш. Біздің театр өнерінің абызының қолынан алу, ол кісінің еңбегін енді білмеймін, сөз жетпейді бағалау үшін. Сол кісінің жолын берсін дейміз мына балаларға, жігіттерге. Көп-көп рахмет, денсаулығы зор болсын, 100 жасасын», – деді «Асанәлі» сыйлығының иегері Лидия Кәденова.
Алматыда алғаш рет «Асанәлі» сыйлығы табысталды (ВИДЕО)
Алматыда алғаш рет «Асанәлі» сыйлығы табысталды (ВИДЕО)
Аталмыш сыйлық жуырда Қазақстанның Еңбек Ері, Халық әртісі Асанәлі Әшімовтің 85 жасқа толуына орай тағайындалған деп хабарлады turkystan.kz «Хабар 24» арнасына сілтеме жасап.
Марапат үздік киноактер, үздік театр әртісі, үздік кино және театр режиссері, «Театр және кино өнеріне қосқан үлесі үшін» аталымдары бойынша берілді. Әр жеңімпазға миллион теңге сыйақысы және бар. Өнер майталманының 85 жасқа толған мерейтойына арналған «Аңыз Асанәлі» атты салтанатты кеш өтті. Сенат төрағасы Мәулен Әшімбаев қайраткерді мерейтойымен құттықтап, Президенттің құттықтау хатын тапсырды.