قوعامدىق ساياسات ينستيتۋتى: قازاقستاندىقتاردىڭ 75،9 پايىزى اتا زاڭعا تۇزەتۋلەر ەنگىزۋدى قولدايدى

قازاقستاندىقتاردىڭ 75،9 پايىزى كونستيتۋتسياعا ەنگىزىلەتىن وزگەرتۋلەر مەن تولىقتىرۋلاردى قولداۋعا دايىن. بۇگىن وتكەن ءباسپاسوز ءماسليحاتىندا «AMANAT» پارتياسى جانىنداعى قوعامدىق ساياسات ينستيتۋتى «الەۋمەت» جوباسى اياسىندا جۇرگىزىلگەن «Referendum: Halyq üni» زەرتتەۋىنىڭ قورىتىندىسىن جاريالادى.

قازاقستاندىقتاردىڭ 67،9% كونستيتۋتسيالىق رەفورما ەلدىڭ دامۋىنا وڭ اسەر ەتەدى دەپ ەسەپتەيدى. سونىمەن، الەۋمەتتىك دەرەكتەرگە سايكەس، ازاماتتاردىڭ كوپشىلىگى قولدانىستاعى قر كونستيتۋتسياسىن وزگەرتۋ بويىنشا رەفەرەندۋم وتكىزۋگە وڭ كوزقاراس تانىتىپ وتىر. اتاپ ايتقاندا، قازاقستاندىقتار مىنالاردى قولدايدى:

  • ازاماتتاردىڭ قۇقىقتارىن قورعاۋ تەتىكتەرىن كۇشەيتۋ – 80،1%
  • حالىقتىڭ ەلدى باسقارۋ ىسىنە ارالاسۋىن كەڭەيتۋ – 76،8%،
  • سۋپەرپرەزيدەنتتىك مودەلدەن پرەزيدەنتتىك رەسپۋبليكاعا تۇپكىلىكتى كوشۋ – 73،5%،
  • بيلىك تارماقتارى اراسىنداعى وكىلەتتىكتەردى قايتا ءبولۋ – 72،3%،
  • پارلامەنتتىڭ ءرولىن كۇشەيتۋ جانە مارتەبەسىن ارتتىرۋ – 64،4%.

قوعامدىق ساياسات ينستيتۋتى: قازاقستاندىقتاردىڭ 75،9 پايىزى اتا زاڭعا تۇزەتۋلەر ەنگىزۋدى قولدايدى

«قازاقستاندىقتاردىڭ 67،9%-ى كونستيتۋتسياعا وزگەرىستەر مەن تولىقتىرۋلار ەنگىزۋ بويىنشا رەفەرەندۋم وتكىزۋ ەلدىڭ دامۋىنا وڭ اسەر ەتەدى دەپ سانايدى. 5 ماۋسىمدا سايلاۋ ۋچاسكەلەرىنە ازاماتتاردىڭ ۇشتەن ەكىسى كەلمەك»، – دەپ اتاپ ءوتتى پارتيا حاتشىسى داۋلەت كارىبەك.

قوعامدىق ساياسات ينستيتۋتىنىڭ ديرەكتورى ءمادينا نۇرعاليەۆانىڭ ايتۋىنشا، حالىقتىڭ وزگەرىستەرگە دەگەن سۇرانىسى تۇراقتى تۇردە تۋىنداپ وتىر.

«سوڭعى الەۋمەتتىك زەرتتەۋلەردىڭ ناتيجەسى قازىرگى قوعامدىق-ساياسي ۇدەرىستەردىڭ وڭ باعالاناتىنىن كورسەتەدى. ازاماتتاردىڭ 87،5%-ى بەلگىلى ءبىر دارەجەدە ەل ومىرىندەگى وزگەرىستەردى قالايدى. سۇرالعانداردىڭ 55،4%-ى بەلسەندى ازاماتتىق ۇستانىمعا يە. زەرتتەۋگە ەلىمىزدىڭ بارلىق وڭىرىنەن 1700-دەن استام رەسپوندەنت قاتىستى»، – دەدى ءمادينا نۇرعاليەۆا.

ايتا كەتەيىك، جۇيەلى الەۋمەتتانۋدى قالىپتاستىرۋ ماقساتىندا «الەۋمەت» جوباسى اياسىندا تۇراقتى نەگىزدە زەرتتەۋلەر جۇرگىزىلەدى. ال ولاردىڭ ناتيجەلەرى ينستيتۋتتىڭ @SocioExpert telegram ارناسىندا جاريالانادى.

«الەۋمەتتىك زەرتتەۋلەردىڭ كومەگىمەن پارتيا قوعامدىق پىكىر سكرينينگىن جۇرگىزىپ، تيىمدىلىكتى ارتتىرۋ ءۇشىن ونى ءوز جۇمىسىنىڭ بارىسىندا ەسكەرەدى. ءبىز قوعامدىق پىكىردى ەسكەرىپ، ونىمەن ساناسامىز. بۇل جۇمىستىڭ بارلىعى قاسىم-جومارت توقاەۆتىڭ «حالىق ۇنىنە قۇلاق اساتىن مەملەكەت» تۇجىرىمداماسىنىڭ مانىنە تولىق سايكەس كەلەدى»، – دەدى داۋلەت كارىبەك.

ءوز كەزەگىندە «AMANAT» پارتياسىنىڭ اتىنان سايلانعان دەپۋتات ساياسات نۇربەك پارتيانىڭ ۇگىت ناۋقانى تۋرالى ايتتى. حالىق قالاۋلىلارى ايماق تۇرعىندارىمەن مىڭعا جۋىق كەزدەسۋ وتكىزدى. ال ءىس-شارالارعا بارلىعى 220 مىڭنان استام ادام قاتىسقان.

قوعامدىق ساياسات ينستيتۋتى: قازاقستاندىقتاردىڭ 75،9 پايىزى اتا زاڭعا تۇزەتۋلەر ەنگىزۋدى قولدايدى

سونىمەن قاتار، ۇگىت ناۋقانى اياسىندا پارتيالىقتار قازاقستاندىقتاردىڭ ۇسىنىستارىن جيناۋعا باعىتتالعان رەسپۋبليكالىق اكتسيانى باستادى. ۇگىت ناۋقانى باستالعاننان بەرى 4،5 مىڭنان استام تالاپ-تىلەك كەلىپ ءتۇستى. ولاردىڭ اراسىندا الەۋمەتتىك جانە ساياسي سيپاتتاعى ۇسىنىستار مەن وتىنىشتەر باسىم.

ال قولدانبالى ەتنوساياسي زەرتتەۋلەر ينستيتۋتى ديرەكتورىنىڭ ورىنباسارى ايگۇل سادۋاقاسوۆا رەفەرەندۋم وتكىزۋدىڭ حالىقارالىق تاجىريبەسىمەن ءبولىستى.

ۇقساس جاڭالىقتار

Back to top button