​​AMANAT پارتياسىنىڭ مۇشەلەرى پاراليمپيادالىق جاتتىقتىرۋ ورتالىعىندا بولدى

​​AMANAT پارتياسىنىڭ مۇشەلەرى پاراليمپيادالىق جاتتىقتىرۋ ورتالىعىندا رەفەرەندۋمنىڭ ماڭىزدىلىعىن ءتۇسىندىردى دەپ حابارلادى turkystan.kz.

AMANAT پارتياسىنىڭ حاتشىسى رينات كەرتاەۆ جانە ءماجىلىس دەپۋتاتى دينارا زاكيەۆا ەلورداداعى پاراليمپيادالىق جاتتىقتىرۋ ورتالىعىنىڭ ۇجىمىمەن كەزدەستى.

كەزدەسۋدىڭ نەگىزگى ماقساتى ورتالىقتاعىلارعا 5 ماۋسىمدا وتەتىن رەفەرەندۋمنىڭ ماڭىزدىلىعىن ءتۇسىندىرۋ بولدى. پارتيا حاتشىسى الدىمەن پاراليمپيادا شەبەرلەرىنىڭ ەلىمىزدىڭ سپورت سالاسىنا قوسقان ەرەن ەڭبەگىنە ەرەكشە توقتالىپ ءوتتى.

«5 ماۋسىم كۇنى وتەتىن رەفەرەندۋم ارقىلى شەشىم شىعارۋدا سىزدەردىڭ دە داۋىستارىڭىز ماڭىزدى. سىزدەرگە دە ەلىمىزدە بولىپ جاتقان ساياسي وزگەرىستەر تۇسىنىكتى بولۋى كەرەك. بۇل ماسەلەنى پارلامەنتتىڭ قاراۋىنا شىعارىپ، رەفەرەندۋم وتكىزبەي-اق جاساۋعا دا بولاتىن ەدى. الايدا مەملەكەت باسشىسى اتا زاڭعا ەنەتىن وزگەرىستەردى حالىق ءوزى قاراپ، تالداپ، تارازىلاپ داۋىس بەرسىن دەگەن ماقساتپەن رەفەرەندۋم وتكىزۋدى ۇسىندى»، – دەدى رينات كەرتاەۆ.

ءوز كەزەگىندە، ءماجىلىس دەپۋتاتى دينارا زاكيەۆا دا ءوز تاراپىنان رەفورمالارعا قاتىستى مالىمەتتەردى ءبولىستى.

«بۇل رەفەرەندۋمنىڭ ماڭىزى وتە زور. سەبەبى ونداعى وزگەرىستەردىڭ اۋقىمى وتە ۇلكەن. وسىعان وراي، ازاماتتار بۇل رەفەرەندۋم ءبىدىڭ ومىرىمىزگە قانداي وزگەرىستەر الىپ كەلەدى دەپ ءجيى سۇرايدى. حالىقتى ەڭ كوپ الاڭداتاتىنى – الەۋمەتتىك ماسەلەلەر. الەۋمەتتىك ماسەلەلەردى شەشۋدى ساياسي رەفورمالار ەنگىزۋدەن باستاۋ كەرەك دەپ ەسەپتەيمىن. قازاقستاندىقتارعا رەفەرەنۋم ارقىلى ساياسي وزگەرىستەردىڭ ورىن الۋىنا ىقپال ەتۋگە مۇمكىندىك بەرىلىپ وتىر. سوندىقتان ءاربىر ازامات وسى مۇمكىندىكتى ءتيىمدى پايدالانۋى ءتيىس»، – دەدى ءماجىلىس دەپۋتاتى.

پارتيا وكىلدەرى ءتۇسىندىرۋ جۇمىستارىنان سوڭ ورتالىق قىزمەتكەرلەرى مەن قولدانۋشىلارىنىڭ سۇراقتارىنا جاۋاپ بەردى. كەزدەسۋگە نۇر-سۇلتان قالاسى ءماسليحاتىنىڭ دەپۋتاتى ايتحوجين ازامات تا قاتىستى. ول ەرەكشە قاجەتتىلىگى بار ازاماتتاردىڭ ماسەلەلەرىن ۇنەمى تىڭداپ، قالالىق اكىمدىككە جەتكىزىپ، ولاردىڭ شەشىمىن تابۋعا ءجيى كوڭىل بولەتىندىكتەرىن ايتتى.

بۇگىنگى وتكەن شارادا دا اتقارىلعان جۇمىستاردىڭ ناتيجەسىن ءبولىسىپ، ازاماتتاردى قىزىقتىرعان سۇراقتارعا جاۋاپ بەردى.

ۇقساس جاڭالىقتار

Back to top button