Көлік аударылып, 7 мектеп түлегі зардап шекті
25 мамырда Маңғыстау облысында жол апаты болып, 7 адам зардап шекті. Анықталғандай, көлікте мектеп бітіруші түлектер отырған деп хабарлады turkystan.kz.
«Сайотеса ауданындағы тас жол бойында болған жол-көлік оқиғасы салдарынан 7 мектеп бітіруші түлек зардап шекті. Жетеуі де түрлі деңгейдегі жарақат алған, оның ішінде екеуінің жағдайы ауыр», – деді Маңғыстау облыстық Денсаулық сақтау басқармасы баспасөз қызметінің жетекшісі Мөлдір Әділ.
Зардап шеккен екі жасөспірім санитарлық авиацияның көмегімен облыстық ауруханаға жеткізілген.
«Зардап шеккен 2 жасөспірімнің жағдайы ауыр. Қалған 5-еуінің жағдайы орташа ауыр деп бағаланып отыр. Барлығы да Маңғыстау аудандық ауруханасында ем алып жатыр», – дейді Маңғыстау аудандық ауруханасы директорының орынбасары Орынгүл Мұқанова.
