Жақында алғаш рет әке атанған өнер иесі Қуандық Рахым жары мен қызын перзентханадан шығарып алды деп хабарлады turkystan.kz.
Қазақстанның түкпір-түкпірінде жеке концертін беріп жүрген әнші бұл күнді отбасына арнады. Ол тұңғышымен алғашқы кездесу сәтін Instagram парақшасына жүктеді.
«Тілекпен кел, жүрекпен кел, Ағайын,Жақсылықты жақын көрсін жат көрсін.Тәңір төгіп шуағы мен арайын,Қызым менің - Қызырлы үйге бақ болсын!» - деп жазба қалдырды ол.
Әншінің жұбайы Назерке мен кішкентай балапанды шығаруға Қуандықтың отбасы мен туғандары жиналды. Ал әріптестері желі арқылы ақ тілектерін жаудырды.
