لەيلو بەكنازار-حانينگا: حالىق زاڭدى، ءوز قۇقىعىن تۇسىنە باستادى

– ارينە، ساياسي وزگەرىستەر تۋرالى بولجام جاساي­تىن ساياساتكەر ەمەسپىن. بىراق نەدە بولسا وزگەرىستىڭ ءبا­رىن جاقسىلىققا جورىعانىمىز ءجون. قاراپايىم قا­زاقستاندىقتاردىڭ ءبىرى رەتىندە كونستيتۋتسياعا ءوز­گەرىستەر جاساۋعا بايلانىستى وتكەلى وتىرعان رەفەرەن­دۋم­نان كوپ ءۇمىت كۇتەمىن، جاقسى وزگەرىستەر بولادى دەپ سەنەمىن. كونستيتۋتسياعا ەنگىزىلگەلى جاتقان وزگەرىستەردىڭ ىشىندە جەر يەسى حالىق ەكەنىن كورسەتكەن باپتى قاتتى قولدايمىن. ەلىمىز، جەرىمىز باي، اتالعان وزگەرىستەر قا­بىلدانسا، حالىققا جاقسى بولار ەدى. سوسىن ەل ىشىندە كوپ ايتىلاتىن مەم­لەكەتتىك تىلگە بايلانىستى ماسەلەلەر شەشىمىن تاپسا ەكەن دەپ ويلايمىن.
ارينە، كونستيتۋتسيامىز بويىنشا ەلىمىزدىڭ بارلىق ازاماتتارىنىڭ قۇقىعى تەڭ، دەمەك ءبارىمىز مەملەكەتتىك ءتىلدىڭ قولدانىس اياسىنىڭ كەڭەيگەنىن، بارلىق جەردە مەملەكەتتىك تىلگە قۇرمەت كورسەتىلۋىن قولدايمىن. ويتكەنى كىم قايدا جاساسا دا، سول ەلدىڭ مەملەكەتتىك ءتىلىن قۇرمەتتەۋگە مىندەتتى. وسى ماسەلە رەفەرەندۋمنان كەيىن وڭ شەشىم تابار دەپ سەنەمىن.
بۇرىنعىلارى تۋرالى ونشا بىلە بەرمەيمىن، بىراق وسى رەفەرەندۋم حالىققا ۇلكەن ءۇمىت سىيلاپ وتىر. حالىق زاڭدى، ءوز قۇقىعىن تۇسىنە باستادى. سوندىقتان رە­فە­رەندۋمنان كەيىن ەلدىڭ بۇل جونىندە تۇسىنىگى كەڭەيىپ، مەملەكەتشىلدىگىمىز كۇ­شەيىپ، اۋىزبىرلىگىمىز ارتا تۇسەتىنىنە سەنىمىم مول. سونداي-اق مەملەكەت ءوز ازا­ماتتارىنىڭ ماسەلەسىن لايىقتى شەشىپ، بيلىك پەن حالىق اراسىنداعى باي­لانىس نىعايا تۇسەتىنىنە سەنگىم كەلەدى.

ۇقساس جاڭالىقتار

Back to top button