رەفەرەندۋم: جاستار – وزگەرىستى قولدايدى!

25 مامىر كۇنى ەلوردادا  «Amanat» پارتياسىنىڭ جاستار قاناتىنىڭ «Kenes Ortalygy» جوباسى اياسىندا سۋبمادەنيەت جاستارىنىڭ وكىلدەرىمەن كەزدەسۋ ءوتتى. پىكىرتالاس الاڭى اياسىندا رەسپۋبليكالىق پارتيا شتابىنىڭ مۇشەسى، جاستار قاناتىنىڭ توراعاسى جەتپىسباەۆ نۇرجان وتكەلى تۇرعان رەفەرەندۋمنىڭ نەگىزگى ماقساتتارى مەن مىندەتتەرى تۋرالى ايتىپ بەردى.

«مەن ەلىمىزدىڭ ءاربىر جاس ازاماتىنان جالقاۋلىق تانىتپاي، ەنگىزىلەتىن تۇزەتۋلەرمەن تانىسىپ شىعۋلارىنسۇراعىم كەلەدى. سەبەبى، سايلاۋشىلاردىڭ نەگىزگى بولىگى جاستار. ءبىز قازىر داۋىس بەرە وتىرىپ، ءوزىمىز ءومىر ءسۇرىپ جاتقان ەلىمىزدىڭ بولاشاعىنىڭ ىرگەتاسىن قالايتىنىمىزدى ءبارىمىز ءتۇسىنۋىمىز كەرەك»، – دەپ اتاپ ءوتتى نۇرجان جەتپىسباەۆ .

نۇرجان

سونداي-اق جاستار قاناتىنىڭ وكىلدەرى جاستاردىڭ تاراپىنان ەرەكشە بەلسەندىلىك تانىتىلۋدا دەيدى. رەسپۋبليكا بويىنشا «Kenes Ortalygy» اياسىنداعى كەزدەسۋلەر جاس دەپۋتاتتار كورپۋسى مۇشەلەرىنىڭ، قوعام قايراتكەرلەرى مەن قوعامدىق پىكىر كوشباسشىلارىنىڭ قاتىسۋىمەن وتكىزىلەدى. بۇگىنگى تاڭدا جاستار قاناتىنىڭ ايماقتىق فيليالدارى وفلاين جانە ونلاين فورماتتا 100-دەن استام كەزدەسۋ وتكىزدى.

كەزدەسۋدە الداعى ساياسي ءىس-شارانىڭ تاريحي ماڭىزى تۋرالى تەرەڭىرەك ايتىلدى.

«بۇگىن مەن كونستيتۋتسياعا ەنگىزىلەتىن وزگەرىستەر تۋرالى تىڭداي وتىرا، 18 جاسقا تولعان ءاربىر تۇرعىنعا قاتىستى ەكەنىن ءتۇسىندىم. بۇل سايلاۋ مەن ءۇشىن، جالپى ايتقاندا، بارلىق قاتارلاستارىم ءۇشىن العاشقى بولماق. ارينە، وزىڭىزگە قاجەتتى كەيبىر نارسەلەردى تولىعىراق زەرتتەپ، سودان كەيىن سايلاۋ ۋچاسكەسىنە بارىپ، ءوز تاڭداۋىڭىزدى جاساۋىڭىز كەرەكسىز»،- دەيدى «Astana IT University» 1 كۋرس ستۋدەنتى ادىلبەك بەكەشوۆ.

سونىمەن قاتار، كەزدەسۋ بارىسىندا جالپى رەسپۋبليكالىق رەفەرەندۋم وتكىزۋدىڭ ءتارتىبى مەن مىندەتتەرى، كونستيتۋتسيالىق رەفورمانىڭ باعىتتارى، جاڭا قازاقستاندى قۇرۋداعى رەفەرەندۋمنىڭ ماڭىزى، ەلوردادا مەملەكەتتىك جاستار ساياساتى سالاسىندا اتقارىلعان جۇمىستار تۋرالى، ەلوردالىق جاستاردى جۇمىسپەن قامتۋ ماسەلەلەرى سىندى تاقىرىپتار تالقىلاندى.

رەفەرەندۋم: جاستار – وزگەرىستى قولدايدى!

ۇقساس جاڭالىقتار

Back to top button