مادەنيەت جانە سپورت ءمينيسترى تۇڭعىش كۋبوگىنىڭ جەڭىمپازدارى انىقتالدى

22-24 مامىر ارالىعىندا ەلورداداعى   ج. ۇشكەمپىروۆ اتىنداعى جەكپە-جەك سارايىندا مادەنيەت جانە سپورت ءمينيسترىنىڭ كۋبوگى ءۇشىن ءتۋرنيردىڭ فينالدىق كەزەڭى ءوتتى. جارىسقا ەلىمىزدىڭ سپورت ينتەرناتتارى مەن كوللەدجدەرىنىڭ 2006-2007 جىلدارى تۋعان جاسوسپىرىمدەرى قاتىستى.

مادەنيەت جانە سپورت ءمينيسترى  داۋرەن اباەۆ سالتاناتتى اشىلۋ راسىمىنە قاتىسىپ، جارىستىڭ اقتىق كەزەڭىن باقىلادى، ونىڭ قورىتىندىسى بويىنشا جەڭىمپازدار مەن جۇلدەگەرلەرگە مەدالدار تابىستادى.

مادەنيەت جانە سپورت ءمينيسترى تۇڭعىش كۋبوگىنىڭ جەڭىمپازدارى انىقتالدى

«سپورتشىلار مەن جاتتىقتىرۋشىلار جانە بولاشاق چەمپيونداردىڭ اتا-انالارى ءۇشىن شىن جۇرەكتەن قۋانىشتىمىن. وڭىرلەردە وسى جارىستاردى وتكىزۋ تۋرالى باستامانى ۇلكەن ىنتامەن قارسى العاندارى قۋانتادى. كۇردەلى ىرىكتەۋ كەزەڭدەرىنەن كەيىن ەلوردادا ەڭ مىقتى سپورتشىلار جينالدى. بۇل جارىستاردىڭ اتموسفەراسى سىزگە تەك جاعىمدى ەموتسيا مەن ادەمى اسەر سىيلايدى، ال جارقىن جەڭىس قوسىمشا سەرپىن مەن موتيۆاتسيا بەرەدى دەپ سەنەمىن»، – دەدى مينيستر.

سونداي-اق، داۋرەن اباەۆ اتالعان جارىس  ءداستۇرلى تۇردە وتەتىنىنە جانە جاس تالانتتاردى اشۋعا كومەكتەسەتىنىنە سەنىم ءبىلدىردى.

مادەنيەت جانە سپورت ءمينيسترى تۇڭعىش كۋبوگىنىڭ جەڭىمپازدارى انىقتالدى

كۋبوك

1-4 مامىر ارالىعىندا وتكەن ىرىكتەۋ كەزەڭىنە رەسپۋبليكانىڭ بارلىق وڭىرىنەن 17 كوماندا قاتىسقانىن اتاپ ءوتۋ ماڭىزدى. وڭىرلىك تۋرنير نۇر-سۇلتان، الماتى، اقتوبە جانە تاراز قالالارىندا ءوتتى.

فينالدىق كەزەڭدە مەدالدار سپورتتىڭ ءتورت ءتۇرى بويىنشا ويناتىلدى: بوكس، دزيۋدو، گرەك-ريم جانە ەركىن كۇرەس. ءمينيستردىڭ دەبيۋتتىك كۋبوگىنىڭ جالپى جۇلدە قورى 10 ميلليون تەڭگەنى قۇرايدى. 1 ورىن – 5 ميلليون، 2 ورىن – 3 ميلليون، 3 ورىن – 2 ميلليون تەڭگە.

ۇقساس جاڭالىقتار

Back to top button