بۇگىن - ديماش قۇدايبەرگەننىڭ تۋعان كۇنى

بۇگىن – الەمگە تانىمال ءانشىمىز ديماش قۇدايبەرگەننىڭ تۋعان كۇنى. ول 28 جاسقا تولدى دەپ حابارلادى turkystan.kz.

ديماش قۇدايبەرگەن 1994 جىلعى 24 مامىردا دۇنيەگە كەلدى. ول كىشكەنتايىنان ءان ايتقان، ءارتۇرلى بايقاۋعا قاتىسقان. العاش رەت 2015 جىلى بەلارۋسيادا «سلاۆيانسكي بازار» ونەر فەستيۆالىنە قاتىسىپ، تانىمال بولدى.

ول 2014 جىلى ديماش احمەت جۇبانوۆ اتىنداعى مۋزىكالىق كوللەدجدە اكادەميالىق ءان ورىنداۋ سىنىبىن ءتامامداپ، قازاق ۇلتتىق ونەر ۋنيۆەرسيتەتىنىڭ «ەسترادا ونەرى» فاكۋلتەتىنە ءتۇستى.

ديماش قازاق، اعىلشىن، ورىس، قىتاي، سەرب، يتاليان، فرانتسۋز، تاعى باسقا تىلدەردە ءان ورىندايدى. ديماش قۇدايبەرگەنوۆ قىتايدىڭ «I am a singer» تەلەبايقاۋىنا قاتىسىپ، سايىستىڭ بارلىق كەزەڭىنەن ءوتىپ، ەكىنشى ورىندى جەڭىپ الدى.

اتالعان جوبانى قىتايدىڭ ەڭ ءىرى Hunan TV تەلەارناسى كورسەتەدى. 2017 جىلى ازيانىڭ «گرەمميى» سانالاتىن «Top Chinese Music Award» سىيلىعىن «ازيانىڭ ەڭ تانىمال ءانشىسى» اتالىمىندا جەڭىسكە جەتتى. سونداي-اق كوپتەگەن حالىقارالىق جۇلدەلەردىڭ يەگەرى.

ۇقساس جاڭالىقتار

Back to top button