شەكاراشى سارباز پويىزدا ادام ءومىرىن ساقتاپ قالدى (ۆيدەو)

ۇقك ءباسپاسوز قىزمەتىنىڭ اقپاراتىنشا، اتىراۋ-الماتى باعىتىنداعى پويىزدا ۇقك شەكارا قىزمەتىنىڭ اسكەري قىزمەتكەرى وزبەكستان ازاماتىنىڭ ءومىرىن ساقتاپ قالدى دەپ حابارلادى turkystan.kz.

بۇل كۇنى اسكەري قىزمەتشىلەر اتىراۋدان زايسانعا، جاڭا قىزمەت ورنىنا اتتانىپ بارا جاتقان بولاتىن. ءتۇن ورتاسىندا جولسەرىك اعا توپ مايورى ەركىنباەۆتان كومەك سۇرايدى. ول كەلەسى ۆاگوندا پويىزدىڭ جولاۋشىسى اۋىرىپ قالعانىن، وعان شۇعىل مەديتسينالىق كومەك قاجەت ەكەنىن ايتقان. كومەككە قاتارداعى اسكەر ابىلايحان ۋبايدۋللاەۆ ۇمتىلدى. ول ماماندىعى بويىنشا – فەلدشەر، اسكەري بورىشىن وتەگەنگە دەيىن جەدەل جاردەمدە جۇمىس ىستەگەن.

ايەل ەس-ءتۇسسىز جاتقان. جولداستارىنىڭ ايتۋىنشا، ول جۇرەگىنىڭ اۋىرعانىنا شاعىمدانىپ، قىسىمعا قارسى دارىلەر قابىلداعان. ناۋقاس جاقىن ماڭداعى ستانتسيادا ءارى قاراي اۋرۋحاناعا جاتقىزۋ ءۇشىن دەر كەزىندە جەتكەن جەدەل جاردەم دارىگەرلەرىنە تاپسىرىلدى.

العىس ءسوزىن وزبەكستان ازاماتى بيبىگۇل تىلەۋوۆانىڭ ءوزى ايتقانى اتاپ ءوتىلدى.

«پويىزدا ەپيلەپسيامەن اۋىردىم. بۇل ساربازدىڭ قاسىمىزدا بولعانىنا وتە قۋانىشتىمىن. سول كەزدە وعان العىس ايتىپ ۇلگەرمەدىم. كومەك كورسەتكەنى ءۇشىن العىس ايتامىن جانە قىزمەتىنە ساتتىلىك تىلەيمىن»، – دەدى ول.

«لايىق ازامات، سەزىمتال تۇلعا تاربيەلەگەنى ءۇشىن» شەكارا قىزمەتى دەپارتامەنتىنىڭ باسشىلىعى شەكاراشىنىڭ اناسى گۇلبارشىن باسانوۆاعا العىس حات تابىس ەتتى.
«قالعان ساربازداردىڭ ىشىندە ول ءوزىنىڭ تارتىپتىلىگىمەن ەرەكشەلەندى. مەن ونىڭ اتا-اناسىنا لايىقتى ۇل تاربيەلەپ وسىرگەنى ءۇشىن ۇلكەن راحمەت ايتامىن»، – دەدى ونىڭ ءبىرىنشى جاساق باسشىسى، ەفرەيتور نۇرىم حابدراشيتوۆ.

ادامدى قۇتقارۋداعى باتىل ءارى شەشۋشى ارەكەتتەرى ءۇشىن قاتارداعى جاۋىنگەر ابىلايحان ۋبايدۋللاەۆ ديپلوممەن جانە سىيلىقپەن (قول ساعاتى) ماراپاتتالدى.

 

پوسموترەت ەتۋ پۋبليكاتسيۋ ۆ Instagram

 

پۋبليكاتسيا وت قر ۇقك شەكارا قىزمەتى (@shekaraknbkz)

ۇقساس جاڭالىقتار

Back to top button