Кувейтте құмды дауылға байланысты әуежайлар жабылды

Кувейт халықаралық әуежайы 23 мамырдың түскі уақытынан бастап жабылды деп хабарлады turkystan.kz Анадолы агенттігіне сілтеме жасап.

Кувейттің азаматтық авиация басқармасы құмды дауылға байланысты елдегі әуе қатынасын тоқтатты. Әлеуметтік желіде жарияланған хабар бойынша, Кувейт халықаралық әуежайы дүйсенбіде жергілікті уақыт бойынша сағат 14:20-дан бастап жұмысын тоқтатқан. Азаматтық авиация басқармасы директорының орынбасары Имад әл-Джельви ауа райы қалыпқа келген кезде ғана кесте бойынша жұмыс жалғасатындығын жеткізді.

Сондай-ақ Кувейт футбол федерациясы 23 мамыр күні Джабир әл-Ахмед стадионында өтуі тиіс болған «Казма» және «Эс-Салимие» командалары арасындағы Әмірліктер кубогының финалдық матчы бір күнге шегерілгендігі туралы хабарлады.

Ұқсас жаңалықтар

Back to top button