«Соңғы қоңырау, бұл - мұғалімдер мен оқушылар оқу жылының қорытындысын шығарып, білім алушылардың жетістіктерін атап өтетін көңілді әрі маңызды оқиға. Биыл эпидемиологиялық жағдай мектеппен қоштасу мерекесін өткізуге мүмкіндік беріп отыр. Алайда ол міндетті түрде мектеп қабырғасында ұйымдастырылуы керек. Білім беру ұйымдары барлық қажетті ұсыныс мен нұсқауды алды. 2022 жылы елімізде 3,5 млн-нан астам оқушы үшін соңғы қоңырау соғылады. Биыл «Алтын белгі» төсбелгісіне 8 139 түлек үміткер», - деді БҒМ Мектепке дейінгі және орта білім комитетінің төрайымы Гүлмира Кәрімова.Республиканың барлық жалпы білім беретін мектебінде соңғы қоңырау мерекесін бір мезгілде өткізу жоспарланып отыр. Оған мектептің педагогикалық ұжымы, түлектер және олардың ата-аналары, педагогикалық еңбек ардагерлері, қамқоршылық кеңес мүшелері, демеуші ұйымдардың, Білім және ғылым министрлігі мен облыстардың, Нұр-Сұлтан, Алматы, Шымкент қалалары Білім басқармаларының өкілдері, білім бөлімдері, мүдделі мемлекеттік органдар және басқалар қатысады. Мектеп бітіру кешін білім беру ұйымы өзі ұйымдастырып, өткізуі керек. Рұқсат етілмейді: – аниматорларды, мерекелік агенттіктерді, әртістерді, мерекелік іс-шараларды өткізу үшін ақылы жеке студияларды тартуға; - мерекелік дастархандар жаюға; – жалға берілетін автокөліктерді тарта отырып, қала (аудан) бойынша экскурсиялар өткізуге; – мектеп әкімшілігі мен мұғалімдерге сыйлықтар алу үшін қаражат жинауға; - ойын-сауық мекемелерінде бітіру кештерін ұйымдастыруға. Қазақстанның барлық мектебінде «Соңғы қоңырау» мерекесі 2022 жылғы 25 мамырда өтеді. Ал аттестатты салтанатты түрде тапсыру рәсімі 2022 жылғы 16-17 маусымда өтеді.
Ертең 170 мыңнан астам түлек үшін соңғы қоңырау соғылады
Ертең 170 мыңнан астам түлек үшін соңғы қоңырау соғылады
Биыл 170 мыңнан астам түлек мектеппен қоштасады. Соңғы қоңырау 25 мамырда соғылады. Білім және ғылым министрлігі мектеп бітіру шараларын өткізу бойынша ұсыныстар дайындады деп хабарлады turkystan.kz.