«Мүгедектікке әкелуі мүмкін»: Қарағанды облысында 5 адам бруцеллез жұқтырған

Бруцеллез жұқтыру фактілері Шахтинск, Теміртау және Абай ауданында тіркелген деп хабарлады turkystan.kz КТК арнасына сілтеме жасап.

Бұл туралы Қарағанды облысы Санитариялық-эпидемиологиялық бақылау департаментінің баспасөз қызметі мәлімдеді.

«Биыл Қарағанды облысының тұрғындары арасында алғаш рет анықталған бруцеллездің бес жағдайы тіркелді. Былтыр осы аралықта тек бір адам ғана бруцеллез жұқтырған еді. Сондай-ақ, Шет, Бұқар жырау, Абай, Ақтоғай және Осакаров аудандарында адамдар үшін бруцеллез қоздырғышының негізгі көзі болатын ірі қара және ұсақ мал арасында бруцеллездің 391 жаңа эпизоотиялық ошағы анықталды», – деді баспасөз қызметі өкілдері.

Инфекция қоздырғыштары сүт өнімдерінде, қида, пішенде және жануарлардың жүнінде анықталды. Бұл микробтардың сыртқы ортаға таралуын көрсетеді, ол өз кезегінде инфекцияның берілу факторы болуы мүмкін.

«Бруцеллез – қауіпті, себебі көп жағдайда ауру адамда инфекция ағымының созылмалы түрі дамиды, ол уақтылы медициналық көмекке жүгінбеген және емделмеген жағдайда мүгедектікке әкелуі мүмкін. Бұл аурудың инфекциядан кейін өткір кезеңі болмауы мүмкін және клиника бірнеше айдан кейін, тіпті, бірнеше жылдан кейін пайда болып жатады», – деп толықтырды облыстық департамент.

Сондай-ақ санэпидемиологтар тұрғындарды сүт және сүт өнімдерін тек ветеринарлық бақылауы бар дүкендерден немесе базарлардан сатып алуға шақырды.

Ұқсас жаңалықтар

Back to top button