Бүгін Қазақстанның ЮНЕСКО-ға мүше болғанына – 30 жыл

Бүгін Қазақстанның ЮНЕСКО-ға мүше болғанына – 30 жыл. Айтулы датаға орай Ақорда Қасым-Жомарт Тоқаев пен ЮНЕСКО-ның бас хатшысы Федерико Майордың бірге түскен суретін жариялады деп хабарлады turkystan.kz «БОРТ №1» Telegram каналына сілтеме жасап.

Сурет 1992 жылы 22 мамырда Парижде ЮНЕСКО-ға мүше болу туралы актіге қол қойылғаннан кейін түсірілген.

Айта кетсек, ЮНЕСКО тізіміне енген еліміздің алғашқы нысаны Қожа Ахмет Яссауи кесенесі болатын.

Бүгінде Қазақстандағы бірқатар нысан ЮНЕСКО-ның әлемдік мұралар тізіміне енген.

Мәдени нысандар:

Қожа Ахмет Яссауи кесенесі, 2003 жыл;

Тамғалы археологиялық ландшафының петроглифтері, 2004 жыл;

Жібек жолы: Чанъань-Тянь-Шань дәлізінің желісі, 2014 жыл.

Табиғи нысандар:

Сары-Арқа – Солтүстік Қазақстан даласы мен көлдері, 2008 жыл;

Батыс Тянь-Шань, 2016 жыл.

Ұқсас жаңалықтар

Back to top button