Зеленский Макронмен ұзақ сөйлесті

Украина президенті Владимир Зеленский француздық әріптесі Эммануэль Макронмен телефон арқылы сөйлесті деп хабарлады turkystan.kz. Әңгіме барысында көптеген мәселе талқыланды. Бұл туралы Украина басшысы Twitter-дегі ресми парақшасында мәлімдеді. Зеленскийдің айтуынша, әңгіме ұзақ әрі қызу болған. Украина мемлекетінің басшысы әріптесіне соғыс барысын айтып, Мариуполь қорғаушыларын құтқару операциясының жай-жапсарын ашып берді. Украина Президенті, сондай-ақ, Ресеймен келіссөздер үдерісінің одан әрі перспективалары туралы өз көзқарасын айтқан.