«Жаңа бағдарлама»: Алматыдағы миграциялық ХҚКО-да ұзын-сонар кезек пайда болды (ВИДЕО)

Елімізге маусымдық жұмыс істеу үшін шетелдік еңбек мигранттары келіп жатқандықтан, миграциялық ХҚКО-да ұзын-сонар кезек пайда болды. Бұл туралы «Азаматтарға арналған үкімет» мемлекеттік корпорациясы мәлім етті деп хабарлады turkystan.kz.

Алматы миграциялық Халыққа қызмет көрсету орталығындағы ұзын-сонар кезектің видеосы әлеуметтік желіде пайда болды.

«Еңбек министрлігінің жаңа бағдарламасына байланысты адамдар екінші күн құжат тапсыра алмай жүр», – делінген жазбада.

Мемлекеттік корпорация баспасөз қызметінің мәліметінше, бұрын шетелдіктердің жұмыс істеуіне қажетті құжаттарды Ішкі істер министрлігі рәсімдесе, 2021 жылдың 16 мамырынан бастап Еңбек және халықты әлеуметтік қорғау министрлігі ұсынады.

«Осыған орай, кейбір жағдайда клиенттердің төлқұжат деректерін түзету қажет. Біз көші-қон Халыққа қызмет көрсету орталықтарында қызмет көрсетуді жеделдету үшін бар күш-жігерімізді салып жатырмыз. Құжаттарды қабылдайтын қызметкерлер саны ұлғайтылды. Тұтынушылардан бұл жағдайға түсіністікпен қарауды сұраймыз», – деп жауап берді «Азаматтарға арналған үкімет» АҚ баспасөз қызметі.

 

Посмотреть эту публикацию в Instagram

 

Публикация от интернет-СМИ «kris_p_brothers» (@kris_p_brothers_official)

Ұқсас жаңалықтар

Back to top button