Жаңалықтар

«AMANAT» партиясының мүшелері: Референдум – жаңа қоғамдық келісім

12-05-2022 Алуа Арман

Мәжіліс депутаттары – «AMANAT» фракциясының мүшелері мен сарапшылар партияның баспасөз орталығында өткен брифинг барысында Конституцияға өзгерістер мен толықтырулар енгізу бойынша референдумның маңыздылығы туралы ойларын ортаға салды деп хабарлады turkystan.kz.
Фракция мүшесі Саясат Нұрбек референдумның басты мақсаты азаматтардың мемлекетті басқару үдерісіндегі рөлін күшейту болғандықтан, халық арасында ақпараттық-түсіндіру жұмыстарының маңыздылығына тоқталды. Өз кезегінде қазақстандық қоғамдық даму институтының басқарма төрағасы Қазбек Майгелдинов азаматтар үшін Конституциялық сотқа тікелей жүгінудің жаңа мүмкіндіктері бар екенін алға артты. Сондай-ақ, оның заңнамалық қайшылықтарды шешуге және өз мүдделерін қорғауға мүмкіндік беретінін атап өтті.
«AMANAT» партиясы Қоғамдық саясат институтының директоры Мадина Нұрғалиеваның айтуынша, жуырда жүргізілген әлеуметтік зерттеу нәтижелері бойынша респонденттердің 78%-ы қоғамда өзгерістерге деген сұраныс бар деп есептейді.
Баспасөз конференциясы барысында Мәжіліс депутаты, «AMANAT» партиясы фракциясының мүшесі Лаззат Рамазанова соңғы жылдары Қазақстанда азаматтық қоғамның белсенділігі айтарлықтай артқанын, оған жақында өткен партиялық праймериз дәлел екенін атап өтті.