«AMANAT»: Зиялы қауымның пікірі – елдің үні

«AMANAT»: Зиялы қауымның пікірі – елдің үні

«AMANAT» партиясы 5 маусымда өтетін Конс­ти­туция­ға өзгерістер мен толықтырулар енгізу жө­нін­дегі жалпыхалықтық референдумды қолдау үшін партия жанынан штаб құрған болатын. Конституция реформаланып, ондағы 33 бапқа түзету ен­гізілетін маңызды оқиға Президент айтқан жаңа, әді­летті Қазақстанды құрудың негізгі қадамы болатыны анық. Ал Жаңа Қазақстанды құруға ел аза­мат­тары түгел­дей атсалысуы керек екені де мәселе көтерілгелі бері ай­ты­лып ке­леді. Соның ішінде Ұлт ұстыны зиялы қауым өкіл­­­дерінің орны бөлек. Ел тарихында екінші рет өткі­зіл­гелі отырған Конс­ти­­­туцияға өзгеріс­тер мен толықтырулар енгізу бойын­ша жал­пыхалықтық референдумның маңызы мен мәнін тү­сіндіру, елде бо­латын өзгерістерді талқылау мақ­са­тында «AMANAT» партиясы зиялы қауым өкілдерінің басын қо­сып, дөң­гелек үстел ұйымдастырды. Жиын­ды Turkistan ха­лық­аралық газе­тінің бас редакторы Бауыржан Баба­жанұлы жүргізіп отырды. Талқылауға Нұр-Сұлтан қаласының зиялы қауым өкіл­дері қатысты. Дөңгелек үстел ұйымдастырудағы бас­ты мақсат – жиналған зиялы қауым өкілдерінің ел­де болатын маңызды өзгерістер туралы пікірін, көз­қара­сын біліп, ескеру, басшылыққа алу екені айтылды.