ماسكەۋدە يسلام كارىموۆكە ەسكەرتكىش قويىلماق

ماسكەۋدەگى يسلام كارىموۆ اتىنداعى ساياباقتا وزبەكستاننىڭ تۇڭعىش پرەزيدەنتىنە ەسكەرتكىش ورناتىلماق.

ماسكەۋ قالالىق دۋماسىنىڭ تاسقا سالىنعان سۋرەت ونەرى جونىندەگى كوميسسياسىنىڭ جينالىسىندا وسىنداي شەشىم قابىلداندى، دەپ حابارلايدى جەرگىلىكتى باق.

ماسكەۋ قالاسىنداعى ياكيمانعا اۋدانىندا ورنالاسقان ساياباققا يسلام كارىموۆتىڭ ەسىمى بيىل قازاندا بەرىلدى. وسىنداي شەشىمدى رەسەيلىك استانا مەرى سەرگەي سوبيانين ماسكەۋ ۇكىمەتىنىڭ وتىرىسىندا قابىلدادى.

ساياباق وزبەكستان قوناق ءۇيى مەن كونسۋلدىق بولىمىنە جاقىن ماڭدا ورنالاسقان.

«ەسكەرتكىش ورناتۋ تۋرالى شەشىم ءبىراۋىزدان قابىلداندى»، – دەدى كوميسسيا توراعاسى يگور ۆوزنەسەنسكي.

ەسكە سالايىق، وزبەكستاننىڭ العاشقى پرەزيدەنتى يسلام كارىموۆ بيىل 2 قىركۇيەكتە 78 جاسىندا ميىنا قان قۇيىلۋ سالدارىنان قايتىس بولدى. ونىڭ دەنەسى تۋعان قالاسى – سامارقانعا قويىلدى.

ۇقساس جاڭالىقتار

Back to top button