Екібастұз МАЭС-1-ге жаңа басшы тағайындалды

Жаңа басшы бұған дейін «Самұрық-Энерго» АҚ Басқарма төрағасының аппаратын басқарған деп хабарлады turkystan.kz Pavlodarnews.kz-ке сілтеме жасап. «Самұрық-Энерго» АҚ Директорлар кеңесінің шешімі бойынша Б. Нұржанов атындағы Екібастұз МАЭС-1 бас директоры қызметіне  Ержан Ертаевты тағайындады. Ол 1985 жылы Павлодар облысында дүниеге келген. 2008 жылы ИнЕУ-ді өнеркәсіптік жылу энергетикасы және 2012 жылы құқықтану мамандығы бойынша бітірген. Еңбек жолын 2009 жылы «Павлодарлифт» ЖШС электромеханигі болып бастады, кейін облыстық Энергетика және тұрғын үй-коммуналдық шаруашылық басқармасының бас маманы болды. Әр жылдары Ержан Ертаев Қазақстан Республикасы Энергетика министрлігінің Атомдық және энергетикалық қадағалау мен бақылау комитетінде, комитеттің Ақмола және Қарағанды облыстары бойынша Аумақтық департаменттерінде, Павлодар облысының Энергетика және тұрғын үй-коммуналдық шаруашылық басқармасында басшылық қызметтерді атқарды.