Қазақстанның 69 қаласында кәріз құбыры ескірген
Қазақстанның 69 қаласында кәріз құбыры ескірген
ҚР Үкіметінде қалаларда тазарту құрылыстарын салу және жаңғырту жоспарлары талқыланды деп хабарлады turkystan.kz primeminister.kz сайтына сілтеме жасап.
Үкімет басшысы Әлихан Смайылов кәріз-тазарту құрылыстарын (КТҚ) салу және жаңғырту жобаларын іске асыру және Мемлекеттік қала құрылысы кадастрының деректерін цифрландыру мәселелері жөнінде кеңес өткізді.
Бірінші мәселе бойынша сөз сөйлеген Индустрия және инфрақұрылымдық даму министрі Қайырбек Өскенбаев бүгінгі таңда Қазақстанның 69 қаласында КТҚ салу немесе реконструкциялау қажет екенін атап өтті.
Тиісті жобаларды республикалық бюджет пен халықаралық ұйымдардың қаражаты есебінен қаржыландыру жоспарланып отыр. Қазіргі таңда төрт қалада (Атырау, Қызылорда, Форт-Шевченко және Шымкент) КТҚ салу немесе реконструкциялау жобалары жүзеге асырыла бастады. Қалған 65 жобаны инвестициялық тартымдылықты ескере отырып, 2028 жылға дейін іске асыру ұсынылады.
Екінші мәселе бойынша, Мемлекет басшысының тапсырмасына сәйкес, «Мемлекеттік қала құрылысы кадастры» ААЖ-да инженерлік желілер туралы деректерді толық цифрландыруды қамтамасыз ету жоспарда бар екені атап өтілді.
Жерасты желілері бойынша нақты кеңістіктік деректерді тек инженерлік-геодезиялық ізденістер әдісімен ғана қалыптастыру мүмкін болады. Сонымен қатар деректерді үздіксіз өзектендіру тетігін енгізбестен, инженерлік желілерді толық цифрландырған орынсыз. Осы мақсатта табиғи монополиялар субъектілерінің инженерлік желілердің техникалық сипаттамалары мен бос қуаты туралы мәліметтерді міндетті түрде ұсынуы бойынша заңнамаға түзетулер енгізуге және «МҚК» ААЖ-ға енгізе отырып, барлық деңгейдегі жобалардың бірыңғай қала құрылысы сараптамасын енгізуге бастама жасалды.
Осы шаралардың арқасында инженерлік желілердің цифрлық негізі қалыптастырылуы тиіс. Ол ағымдағы түгендеу жұмыстары мен деректерді онлайн-өзектендіру аясында нақтыланатын болады.
ҚР Премьер-министрі талқыланған жобаларға қатысты айтылған тәсілдерді мақұлдап, оларды іске асыру үшін пысықтау жұмыстарын жүргізуді тапсырды.
Тағы оқи отырыңыз: Маңғыстауда темір жол рельстерін құм басып жатыр (ВИДЕО)