Бір жыл бойы пара алған шымкенттік майор ұсталды

Антикор және ІІМ полиция қатарындағы сыбайлас жемқорлық фактілерін анықтауды жалғастыруда деп хабарлады turkystan.kz агенттіктің баспасөз қызметіне сілтеме жасап.

27 сәуірде қызмет бабындағы қамқорлығы үшін қарамағындағы қызметкерлерден 178 мың теңге мөлшерінде пара алғаны үшін Шымкент полиция майоры К. Әлімханов ұсталды.

Әлімхановтың өз қызметкерлерінен жалпы қамқорлығы үшін полк басшылығында 2021 жылдың мамырынан 2022 жылдың сәуіріне дейін ай сайын пара алудың қосымша фактілері анықталды.

Әлімхановтың автокөлікті мас күйінде жүргізгені үшін әкімшілік жауапкершілікке тартпай, рота инспекторларымен алдын ала сөз байласу бойынша адамдардан 130 мың теңге сомасында пара алған.

Сондай-ақ Әлімхановтың заңда көзделген демалыс күндерін бергені үшін қоластындағылардан 2 мың теңге мөлшерінде жүйелі түрде пара алғаны анықталды. Әлімхановқа қатысты сот «күзетпен ұстау» түріндегі бұлтартпау шарасын таңдады. Тергеу жалғасуда. Өзге ақпарат ҚР ҚПК 201-бабына сәйкес жария етуге жатпайды. Сыбайлас жемқорлыққа қарсы қызмет пен ІІМ-нің сыбайлас жемқорлық фактілерін анықтау және жолын кесу жөніндегі бірлескен жұмысы жалғасатын болады.

Ұқсас жаңалықтар

Back to top button