Бұл туралы Премьер-министрдің орынбасары Ералы Тоғжанов журналистермен өткізген брифингте айтты деп хабарлады turkystan.kz.
«Самұрық-Қазына» АҚ құрамына кіретін компаниялар қызметкерлерінің жалақысы 5-тен 40% - ға дейін көтеріледі»,- деді Тоғжанов.
Бірақ басшылық қызметтегі тұлғалардың жалақысы өспейтіндігін жеткізді.
«Әрдайым жалақының күрт өсуі инфляцияның өсуіне әсер етеді. Бірақ, бұл - ештеңе жасамау керек дегенді білдірмейді. Жүйелі түрде кезең-кезеңімен жалақыны көтереміз. Өздеріңіз білетіндей, бүгінгі күні орташа жалақы туралы мәселе көп талқыланып жатыр. Өйткені барлық жерде орташа жалақы нақты объективті мәліметтерге сәйкес келмейді», - деді Премьер-министрдің орынбасары.
Ол барлық бюджеттік ұйымдар мен ірі өнеркәсіптік кәсіпорындар әрқашан өз бюджеттерінде қызметкерлердің жалақысын индекстеу керек екенін де айтты.
