Түркістан облысында табиғи апаттан зардап шеккендерге көмек беріледі
Түркістан облысында табиғи апаттан зардап шеккендерге көмек беріледі
2022 жылғы 24 сәуірде Түркістан облысы Қазығұрт, Сарыағаш аудандарында жауын-шашын мен Кентау қаласында қатты жел соғып, табиғи апат болды. Енді апаттан зардап шеккендерге бюджеттен көмек беріледі деп хабарлады turkystan.kz.
Құтқару жұмыстарына облыстық Төтенше жағдайлар департаментінің және жергілікті атқарушы органдардың 100-ден аса қызметкері жұмылдырылды. Олар 15 бірлік техника, 13 мотопомпа күштерімен суды сору және арықтарды тазалау жұмыстарын жүргізді.
Табиғи апат салдарынан 50 адам қауіпсіз аймаққа көшірілді. Адам шығыны жоқ. Алдын ала есеппен, 53 үйдің ауласына, 19 үйге, 1 мейрамхана мен 16 ғимаратқа су кіргені анықталды. Сонымен қатар 370 бас мал шығыны орын алды.
Орын алған жағдайға байланысты, ҚР Президенті Қ.Тоқаевтың тапсырмасына сәйкес, облыс әкімінің төрағалығымен арнайы комиссия құрылды. Облыстық бюджеттің резервтік қорынан қаржы қаралып, келесідей көмек берілмек:
Үй жануарларының шығынына ережеге сәйкес өтемақы төленеді;
Тұрғын үйлер қайта қалпына келтіріледі;
Ғимараттар мен тұрғын үйлердің шатыры қалпына келтіріледі;
Шаруашылық ғимараттарды қалпына келтіруге көмек көрсетіледі;
Қазіргі таңда комиссия шығын көлемін есептеп жатыр.
Тағы оқи отырыңыз: Бас мүфти 9 жасар Диананың өтінішіне жауап берді