Америкалық атақты актер Микки Рурк Дмитрий есімді көмекшісіне бүкіл мұрасын қалдыратынын айтты деп хабарлады turkystan.kz.
Бұл туралы Голливуд актері ресейлік журналист Ксения Собчакқа берген сұхбатында айтты.
«Менің жасым 70-ке келді. Мен көмекшіме жинаған дүниемнің бәрін өсиет етіп қалдырдым. Дима - менің ең жақсы досым. Егер онымен бірдеңе болса, мен не істерімді білмеймін. Мен, тіпті, өз үйімнің мекен-жайын да білмеймін», - деді ол.
Ал актердің ассистентінің айтуынша, ол 2014 жылы АҚШ-қа Украинадан жұмыс іздеп келген. Сол кезден бері Микки Рурктың шаруашылығына көмектесіп келеді.
«Ол – шығармашылықтың адамы. Сценарийлерді өзі жазады. Ал шаруашылықта өз бетінше ешнәрсе істей алмайды. Сол үшін мен оның барлық шаруасына көмектесіп келемін», - деді ол.