«Жол апаты болған жерге бардым. Қазіргі уақытта «Абайсызда екі және одан да көп адамның өліміне әкеп соққан жол қауіпсіздік ережесін бұзу» бабы бойынша сотқа дейінгі тергеу аясында апаттың себептерін анықтап жатырмыз. Апат себептерін анықтау үшін барлық қажетті сараптама тағайындалды» деп жазды Ерлан Омарбеков.
Қостанай облысында жол апатынан 3 адам қаза тапты
Қостанай облысында жол апатынан 3 адам қаза тапты
Қостанай-Әулиекөл-Сұрған тас жолындағы қайғылы оқиғаға қатысты сотқа дейінгі тергеу амалдары басталды деп хабарлады turkystan.kz.
Жол апаты туралы ақпаратты Қостанай облысы Полиция департаментінің бастығы Ерлан Омарбеков Facebook желісіндегі парақшасына жариялады.
20 сәуір күні сағат 22:25-те Әулиекөл ауданының полиция бөліміне Қостанай-Әулиекөл-Сұрған автожолының 72-шақырымында көлік апаты болғаны туралы хабарлама түскен.
Ресейлік тіркеудегі Toyota estima көлігін тізгіндеген жітіқаралық 26 жастағы жүргізуші елордаға бағыт алған. Кенет ол рөлге ие бола алмай, жолдың қарсы бетінде келе жатқан КамАЗ-дың тіркемесіне соғылған. Жүк көлігінің рөлінде Қостанай қаласының 28 жастағы тұрғыны болған. Апат салдарынан Toyota estima жүргізушісі және екі жолаушы оқиға орнында қаза тапты. Жеңіл көліктің тағы бір жолаушысы ауыр жараланып, Әулиекөл ауданының ауруханасына жеткізілді. Қазір жан сақтау бөлімінде жатыр.